作為一個飛天循地的天才 旅遊記者 ，你睇就外表風光，為了方便工作不免「頹look」，有時更要連續幾日轉酒店，冇得洗衫，個喼又爆，究竟有咩女生穿搭貼士keep住個愛靚態度？以下幾件 旅遊易襯items ，每次出 trip 都必定帶住，易襯又易收藏，咁就唔怕失禮街坊啦！
記者：Venus@ 天才女行社
特別鳴謝：Double.c、Vvvin shop
01 | 及膝裙 一打十
我出 trip 一定會帶 2 條及膝裙！唔係靚咁簡單， 旅遊記者有時出trip失驚無神要穿得大體、整齊，如藝術館甚麼，及膝裙都叫過骨，唔使煩。加上裙太短易走光、太長易仆親，及膝就剛剛好。重點是搭飛機易水腫，當遮一遮大髀囉！
02 | 厚底波鞋 拯救扁平足
唔係幫Air Max賣廣告，真心，佢救過我一命。本小妹腳掌本身有扁平足，仲整親過腳弓，所以長時間行路好易腳弓發炎，可是旅遊記者一出trip，分分鐘要行成10個鐘。我有次就係著咗平底 slip-ons 搞到發炎，痛到行唔到要立即去急症，之後做咗一個月物理治療。
出trip如果不是要行山/行雪地，我多數都會穿Air Max加醫學鞋墊，鞋帶繫到最上個鞋帶孔（即是所謂「heel lock」位），咁就更安全。
03 | 頭帶黨最易做
慳喼位、夠突出！上次去沖繩，model 貝兒好叻地戴了草帽好 match，但黃昏轉了造型，又戴草帽就會悶，好在我帶定一兩條頭帶，輕鬆換 look！大家有機會幾個女生去旅行時，可以試下一齊戴同一款頭帶，有gang/group的感覺又不失個性。
04 | Where’s 大背包？
大家可能會奇怪，一個 旅遊記者 點會冇大背包？係，我仆你睇唔到啫！其實是帶一個小袋子，放晒貴重嘢跟身，加個大背包（係會有大媽feel嘅），非常粗用、非常不愛惜，一要影相就把背包放在攝影師腳邊，咁就OK喇！
咁辛苦搵地方排行程，相片風光就夠喇！如果是治安不太好的地區就要小心喇！惟有迫攝影師幫一幫手，首先你要遇到一個 friendly 攝影師。
05 | 小帽子輕鬆升lv.
有時真係要 go into wild， 只好一身tee牛仔褲，加上帽子就可以輕易戴出風格，最重要是出 trip 一大清早就要去 shooting，冇時間整頭嘛！我多數會戴漁夫帽，out-going得來，日常休閒風都得。
