1/ 除鞋都唔怕，異味Clear spray
夏天易流汗，但又唔一定下下都可以著涼鞋，對腳焗咗一日最驚就係有味！有見及此日本就有藥妝公司推出去除異味嘅鞋用spray ，只要喺鞋度噴一噴，就可以保持全日都冇異味，配合有綠茶精華，咁就唔怕對鞋發出異味啦！
價錢：480 円（未連稅）
2/ 止腳汗好幫手
頭先介紹咗去鞋異味嘅噴霧，不過呢個都係解燃眉之急，最好當然都係從對腳入手。有異味其中一個原因係腳汗多，焗位焗住唔臭就假啦！所以最好都係止一止對腳啲汗。呢款同樣都係噴霧，只要噴喺啲易出汗嘅位置，例如腳趾之間、腳板底等，可以保持全日乾爽，咁就唔怕會引起異味啦！
價錢：728円（未連稅）
3/ 舉手都唔怕，一支趕走腋下黑色素
夏天著小背心最驚一舉手就見到腋下一撻撻黑色，到時真係咩仙氣冇晒！喺夏天正式嚟到之前當然要做好準備搵返白雪雪嘅腋下啦！呢個時候呢支專門針對腋下黑色素嘅 cream 就啱晒你！佢可以幫你去除腋下僵硬角質，令毛孔收細，加入埋美白功效，一支就可以令你腋下變得白雪雪啦！
價錢：980 円（未連稅）
4/ 粒粒再見，還你白滑皮膚
有冇發現有時塊面、頸又或者前胸會無啦啦出現一啲粒粒？呢啲可能係硬化咗嘅角質，因為時間長所以要除去唔容易，呢支精華液就可以幫你軟化千年角質，令你嘅皮膚回復光滑，咁就著咩衫都唔怕啦！
價錢：1,900 円（未連稅）
5/ 擁有完美pat pat著比堅尼都唔怕
夏天當然要去沙灘同陽光玩遊戲啦！但一著比堅尼，弊！Pat Pat 點解生晒粒粒架？！唔使驚，呢支藥膏針對 Pat Pat 暗瘡同粒粒，可以抑制 Pat Pat 嘅油脂分泌，藥用成份可以減少粒粒嘅生長，去沙灘就點玩都唔怕啦！
價錢：2,839 円（未連稅）
6/ 粉紅色 lin 頭，可遇又可求？
係有啲尷尬，但有邊位女士唔想有啊？呢支 cream 就幫到你啦。只要敷喺乳暈，等佢乾咗搣走就得，連日本網民都話有用，只要堅持用 2 個星期左右就會見效，佢仲特別加入玫瑰香味同 9 種美肌元素，粉嫩嘅乳暈你都可以擁有！
價錢：2,839 円（未連稅）
7/ 牙齒白雪雪，笑容都charm啲
香港女仔咁鍾意影相，一副白雪雪嘅牙齒當然唔少得！日本人氣護膚品牌撫子推出潔白牙膏，加入蘇打粉，針對泛黃牙齒，令牙齒上嘅茶漬、咖啡漬浮起，再帶走，咁就自然會擁有一口健康又白淨嘅牙齒啦！
價錢：1,200 円（未連稅）
8/ 扎辮唔怕 Baby Hair 亂飛
馬尾係其中一個最吸引男性髮型，不過如果你頭髮唔係太長，就好易有 Baby Hair 飛出嚟，咁樣個造型就變得唔夠清爽！呢盒綠色嘅髮膠連空組都用，簡單一抺就可以將啲 Baby Hair 變得貼貼服服，細細盒帶出街都好方便！
價錢：468 円（未連稅）
9/ 鼻敏感人士必備，超柔軟紙巾
編輯一直受鼻敏感問題困擾，每次一流鼻水就好辛苦，辛苦唔止因為流鼻水，而係因為呻鼻水搞到個鼻又紅又痛！就算用宣稱柔軟又堅韌嘅大牌子紙巾都冇用。直到喺日本發現呢款紙巾，編輯簡直有得救的感覺！因為其質感真的太柔軟！現在每次呻鼻水我都不怕會呻爛鼻了！
價錢：129 円/4小包（未連稅）
