入迪士尼前要準備的 4 件事

去東京，你會去迪士尼；去美國，你會去迪士尼；係香港，你都會去迪士尼。迪士尼係大人細路都喜歡去的地方，不過入場前，其實應該要準備一下架！等 Gotrip 話你聽，入迪士尼前要準備的 4 件事。

1. 記得帶尿袋

圖片來源: Scott Beale

尿袋（手提充電器）幾乎人人都會有一個，去迪士尼就記得放落你的背包先出發。
因為玩迪士尼，多數需要朝 9 晚 8 ，時間長過返工﹗由 9 點影到 8 點，晚上有煙花又有巡遊，你的電話怎會支持到整天呢？在迪士尼內要找到充電的地方是極之困難，今時今日人人都係攝影師的日子，尿袋幾乎重要過身份證。

2. 校好鬧鐘一早入場

圖片來源：RHiNO NEAL

去迪士尼真係辛苦過返工，不過為了爭取時間玩機動遊戲，當然在開門時便要到。除了玩遊戲，跟卡通人物合照一樣要排隊，所以，記得校好鬧鐘，一早就出門口﹗

3. 了解下有咩好食

入迪士尼玩成日，一定要吃東西，在樂園吃東西比較貴是常識吧﹗但你總要醫肚，所以在入場前，這些功課不能偷懶，去官網睇睇，或者睇下GOtrip 嘅用戶有咩分享 (文章最尾有LINK！) ，知道裡面有什麼餐廳比較抵。一般來說，最平就是吃熱狗、三文治的快餐，大約了解位置，進場後便不用花時間再找了。

4. 上官網搵限定乜乜乜

搵「限定乜乜乜」是常識吧﹗特別是東京迪士尼，日本人最喜歡出「限定乜乜乜」來吸引你們消費。所以出發前，記得上官方看看有什麼「季節限定」之類的精品或食物，想去一個不一樣的迪士尼，你一定要做足準備。
還有，選出 3 個你最想玩的遊戲，入場後重點出擊，有 fast pass 就要拎定 fast pass 啦。

TEXT：SAMI