獨男免進 ！錯就錯在獨？日本有網民在Twitter 上載了張新宿一間放題餐廳公告板嘅相，寫明除非同行者有女性，否則不歡迎「獨」男及全男班進入。咁爆，之後有成2萬個留言插爆間餐廳性別歧視，唔止，對獨男更是雪上加霜！
齋男唔准入！
呢間位於新宿歌舞伎町的「ConTERRAZZA 新宿」放題餐廳，唔畀「齋男」進入，雖然餐廳最後撤去公告板及解釋只係想營造一個女性安全用餐環境。
獨唔係最大罪，大食先係？
唔好話我小人之心，其實東京有唔少餐廳謝絕「獨」男探訪，更講到明是因為男人大食。阿珍個獨男朋友諗住去食新宿好出名嘅果物放題，點知阿職員話唔入得！原來，又係要求有女伴同行，又或等到5時後（價錢較貴）晚市放題才可參加。聽到這奇怪的規條也不禁問點解，開餐廳嘅日本友人好坦白，若男生來吃放題，胃口大，幾乎都要虧本，故此要限定需跟（應該）胃口較小的女生同行。這種偏見可能唔係太work 了， 日本近年的大胃王都是女生，小看女生的食量，好易得不償失，同埋打開門做生意，會唔會咁啊？！
食嘢鬧到女權！
重點是餐廳慳家手段，不過鬧鬧下，日本男網民好似有點反應過敏，將事件看成「# 女尊男卑」。有人話女性以「女權」之名霸道，生活上咩都要「女性專用」，下刪5,000字。女尊男卑/男尊女卑都sad嘅，阿珍就話，男女平等，大家齊齊有飯開就最happy啦！