我Holiday未入online shop公司之前，只係普通OL一名，日日返工放工千篇一律幾咁悶，或者可標籤為沒有planning的人生。不過自從轉入新公司後，聽住成班至潮又精明嘅同事交換流行情報，先知自己一直以來錯過咗好多嘢！
同事們點醒Holiday咪以為晚晚煲劇、翻捉精靈同玩網絡平台，就叫做潮，其實依家但凡識飲識食識享受人生之士，都已煉成里數達人，事關今時今日儲里數仲容易過儲超市、便利店的印花，兼且着數好多！
你或者同Holiday以前一樣，成日以為儲里數好難，兼且只可以換機票，同事們就教精Holiday，其實Asia Miles（亞洲萬里通）近年花咗好多工夫，將可儲里數的商戶和層面擴闊至成為生活日常，由出行食飯到上網買衫，甚至買外賣或者去超市購物通通可以儲分，只要再勤力啲check最新的賺里數方法或者兌換優惠，分分鐘減省好多開支，好快就可以去多次旅行，或者換到最新的流行產品，甚至演唱會門票添。
起初Holiday都半信半疑，豈知聽同事所舉的例證，先恍然大悟！現時超級市場、便利店或者連鎖式零售店都愛推儲印花的優惠，儲夠指定數量便可以免費換領指定禮品。
Holiday計過，一般喺超級市場大約買滿HK$60就有一個印花，一般儲150個先換到一個小煎pan或者煲仔，總消費額HK$60 x 150個=HK$9,000。但儲里數呢？滿10,600分已經可以換到日本家電品牌recolte嘅經典小焗爐、韓國ZENEZ尚膳廚32cm陶瓷雲石鑊，近期更有優惠，只需10,000分，滿19,200分嘅話，仲可兌換到最潮的日本Bruno多功能電熱鍋！
萬九分喎，好難儲？錯啦，單係申請Asia Miles的夥伴信用卡，首次簽帳滿HK$7,500已可享HK$0.5=1分簽帳優惠，輕易賺取15,000分，再加上雙倍里數獎賞，以及最着數的「一簽兩賺」– 即是首先到任何Asia Miles夥伴商戶消費賺取第一重里數，然後再以Asia Miles聯營信用卡付款，或其他金融夥伴所發行之信用卡付款並將其積分轉換為里數，賺取第二重里數。
單次簽帳就可以賺得兩重里數積分，同超市花費相差無幾，但就可擁有部最新的日本電熱鍋，梗係抵儲好多啦！而且消費層面唔止局限超市貨品添，可以買衫買化妝品或者出街食飯都可以儲到里數，所以其實儲得易啲又快啲！如成班精明同事話齋︰「曉做里數達人，先叫開心快樂人。」所以Holiday都開始奉行「消費=儲里數」嶄新的至潮生活模式，學習輕鬆享受人生。至於有咩心得「些牙」，下次話你知。
想同我交流心得，可隨時e-mail畀我呢！
