1. 香港
我們所居住的城市香港亦榜上有名。有香港網民指出香港食物又貴又難吃，想慢慢品嚐美食卻會被員工趕走。另外香港景點被政府參與改建、活化就成為不值得一去的地方。
如果香港都可以揀我一定揀返香港
大多嘢食難食又貴，地方細，坐吓都俾人趕你走，外國人都係想嚟享受吓，唔係你受你氣同你鬥快食光速餐囉，最唔明係間間都排隊，我俾外國朋友問過點解，我依家直接回覆話「香港人無味覺囉」！
景點又垃圾，個個景一經政府參與改建、活化就很肯定變垃圾景
住宿更加唔使詳述，又貴又窄又舊
旅遊仲有咩做？唔好再講「購物天堂」呃小學生食X嘅說話啦！
不過亦有網民為香港平反，指其實香港有不少特色景點，而且食物「中伏」的機率低：
其實去得旅行多就會覺得香港啲嘢真係好食，只要你肯比多少少錢，咩國家菜都搵到。買藥妝啲水貨又平，景點唔差，又有車公廟、大澳、長洲、海洋公園、迪士尼、K11，過埋澳門仲得。
香港勝在多元化亦豐儉由人。
我夠膽講如果香港啲嘢唔好食你去全世界嘅地方都係一樣。
2. 新加坡
新加坡成為了大部分網民一致認為去過一次就不想再去的國家，有多位網民表示新加坡人並不友善，高高在上看不起香港人。另外旅遊景點偏少，想購物又沒有特色產品可以入手，沒有再去的理由。
新加坡，人又串，又睇唔起香港人，又冇嘢玩，去完冇嘢買到，啲錢唔知用晒去邊，悶到嘔，有生之年都唔想再去
3. 韓國
港人熱門旅遊勝地韓國亦被頗多網民認為去過一次就不想再去。韓國雖然集購物、美食、特色觀光於一身，但網民大多認為韓國人愛隨地吐痰，衛生情況欠佳。另外有網民認為韓國人大多無禮，在當地插隊也是常有的事，店員的服務態度也有待改進。
韓國
成地痰，唔理男女老少，總之食煙一定吐痰；就算啲好L正嘅女都一樣
一開始唔知以為洗完地，X那媽踩多兩踩滑潺潺
亦有網民表示首爾沒有特別地方遊玩，美食也比較普通，不值得再去。
4. 中國
港人雖然愛北上，但中國亦於「去過一次就不想再去的國家」中榜上有名。首先就是衛生情況欠佳，以羅湖城為例，羅湖城的公廁就已經十分骯髒。
中國，淨係羅湖城個公廁已嚇親人
另外亦有網民指出中國太多騙徒，騙徒以宵禁為由推薦其他「景點」，但被聰明的網友識破謊言，下車並自行到達原本的目的地。
去過地方唔多。就中國啊，去過北京，實在太多太多騙徒，晚上搭車回酒店，呃我話宵禁，早幾條街就放低我哋。
去故宮個的士佬又話閂咗門，有炎黃子孫去拜佛，叫我哋轉地方，又叫我哋上隔離嗰架佢安排咗嘅私家車…… so crazy，我哋落車自己行過去……正常開放關乜？
除此之外，更有網民點出中國景點造假，也會收取天價入場費，同時餐廳收費亦是其他餐廳價錢的5倍，實在離譜！
大陸景點造假，仲要收天價入場費！入到去餐廳嘅收費係出邊嘅五倍，近百元一碟青菜，根本當遊客係羊牯
5. 菲律賓
至於菲律賓都不令大家意外，經過2010年造成8死7傷的馬尼拉人質事件後，菲律賓政府的冷處理態度令香港人對菲律賓的好感跌至負數。
菲律賓（ N年前真係去過一次馬尼拉旅游，覺得好後悔……個trip係仲早過早年當地有人挾持香港旅客做人質單嘢）
再加上有網民表示當地會有很多伸手要錢，出國旅遊卻要擔驚受怕，種種因素令網民們都表示永遠不會再到菲律賓。
6. 法國
唯一上榜的歐洲國家就是法國。貴為藝術之都，每年都吸引上百萬旅客到訪，但巴黎小偷手法「聞名於世」，想輕鬆旅遊卻要擔驚受怕，無法盡興。
巴黎，太多扒手，玩都玩得唔安樂
另外巴黎亦被網民指出衛生情況惡劣，地鐵站充滿尿味，同時街道也有不少狗隻排洩物，晚上亦有大量老鼠出沒，衛生狀況令人堪憂。
