不驚不覺，原來 上海迪士尼 開幕一周年 ，樂園亦會在即日起舉辦為期一個月的「奇妙一周年慶典」活動。而上月 上海迪士尼 更宣布，樂園在過去 11 個月內的遊客人數已達 1,000 萬！更有言於上季已獲得盈利、藉品牌效應達到全年收支平衡。數字固然驚人，而去年開幕時的盛況都同樣「驚人」，大家一起來重溫當日各種奇觀及遊客圖鑑。
Q1｜有冇踩屎？有冇見到屎？
A：冇！但記者在現場見到好多「黃金」，因為 grand opening 好多限量精品都是金色的！
Q2｜有冇見到細路隨地屙尿？
A：隨地就沒有看到，但有對着草叢屙及在膠袋膠樽屙！
Q3｜個場係咪好大？
A：係！好大、太大，行到腳軟，但遊樂設施唔算多！
Q4｜好唔好玩？邊樣最好玩？
A：不少設施早在別的迪士尼玩過，我只玩了兩樣。「Tron 過山車」玩法有新鮮感，但除了出發一剎高速較刺激外，跟 Space Mountain 差不多，未算驚喜！反而「加勒比海盜」的船上歷險意外地精彩，8 分鐘穿梭多個室內場景，高潮位模擬跌入海底，兩層樓高清屏幕將大家無穿崩包圍，非常震撼！
Q5｜要排好耐隊？
A：開幕首日異常少人，不少遊戲排隊時間少於 60 分鐘，第二日則比較多人，幾乎所有遊戲都要等 1-2 小時！