Wyman分享獨遊孤獨經驗：即時哭L咗……
最近黃偉文Wyman於Instagram分享獨遊的經驗，他先指出自己並不是「黑帶級的獨活者」，極限只可以是一個人去旅行，不過也不能一個人去品嚐Omakase，亦不可以過時過節特登坐車去海皮一個人欣賞煙花。
而他回想起2個自己最孤獨的經驗，第一個是在單身的幾年間的，一個人去旅行已成他「理所當然毫無心理障礙的家常便飯」，直至1次預訂了一間東京最新、最靚、最貴的酒店套房，check in後自行來場room tour時，心裡第一下感嘆到房間好靚，不過卻「住咁好做乜唧，都冇人 share？第日都唔知可以同邊個講起返……」，即場「哭L咗」。
而第二次是發生於LA，當時因為工作關係，他人生首次到達LA。在工作的空餘時間他訂好票去當地的 Universal Studios，準備一個人入場，「一個人拎住張飛去到環球片場門口，臨入場嗰一吓，頂唔順，走返轉頭。」
網民強烈共鳴 分享孤獨經驗
Wyman的獨遊經驗引起大批網民強烈共鳴，紛紛分享自己獨遊與孤獨的經歷：「試過一個人去Tokyo Disney Sea 玩咖啡杯自己轉自己」、「一個人去比利時旅行，喺酒店浴缸跣親撞倒個頭，止咗血之後搭的士去附近醫院，完全唔識講法文嘅情況底下喺醫院同個態度極差嘅receptionist擾攘咗幾個鐘」、「最孤獨係一家人同一屋簷下，但好似住劏房咁互不相干，各自生活，究竟心𥚃有對方嗎？」。
不過亦有網民指出其實人並非容易產生真正的孤獨：「我住係LA，covid開始到依家三年幾，基本堅持每隔兩三日獨個去屋企附近嘅公園散步，一開始覺得幾孤獨，但後來發現有樹木青草鴨鵝相伴，便發現所謂孤獨可能只係相對的人與人之間，人與世界萬物的關聯，並唔會使我們真正孤獨。」
