勁期待！多部彼思（Pixar）動畫即將化成迪士尼主題樂園的最新遊戲！美國加州Disney California Adventure Park剛宣布下年會改裝多個全新遊戲，雖然未有實景圖，但聽到4大主題區已經勁期待！
「彼思碼頭」落戶加州
有個巨型米奇老鼠頭摩天輪的Disney California Adventure Park，計劃於明年暑假將樂園其中一部分改裝成以彼思為主題的園區Pixar Pier，除了主題玩意之外，食物和紀念品都大量加入Pixar多套經典動畫元素，比起香港的反斗奇兵園區更完整。
新玩意#1｜《超人特攻隊》過山車
配合明年上映的《超人特攻隊2》，原裝過山車將會改為《超人特攻隊》主題，名為「Incredicoaster」 ，整個過山車體驗將會大變身，由入口處加入超能力設計，到乘坐的過山車也會變為《Incredibles》主題，估計走唔甩係紅色主調，唔知E夫人會唔會登場呢？
新玩意#2｜彼思全家摩天輪
樂園最巨型的摩天輪，原本只有米奇一個頭，變成彼思主題之後，米奇唔會被換走，但摩天輪的24輛車會換上Pixar的人氣角色。Pixar咁多年嚟又點止24個角色？有巴斯光年又點少得胡迪同三眼仔，咁仲夠唔夠位畀毛毛同勞蘇同時登場？有待明年暑假揭盅。
新玩意#3｜《反斗奇兵》+《玩轉腦朋友》園區
雖然明年西岸荷里活那一邊的迪士尼樂園會有一個更大規模的反斗奇兵園區，不過加州Adventure Park也會加入《Toy Story》同《Inside Out》的部分，《Toy Story》是射擊遊戲，《Inside Out》的阿樂同阿愁究竟會點玩，仍有待公布。
4月起全年慶祝Pixar Fest
今年7月的D23 Expo曾宣布，明年將舉行一系列活動慶祝Pixar與迪士尼的友誼，並由4月13日起在迪士尼樂園加入全新煙花和巡遊表演，更多Pixar主題的食物、紀念品將會落戶樂園中，超期待的！