港人為慳錢可以有幾盡？早前航空公司HKexpress出了新的手提行李規定後，不少人在網上鬧爆，甚至有人在現場與地勤人員理論，為的就是想「慳得就慳」。而乘搭廉航，若然要選擇指定位置，眾人皆知都是要付錢買位，奈何近日有港人在網上大鬧，指遇到一對香港情侶不停要求調位，更口出狂言極失禮，發文者更痛斥「咁大個人做事，講嘢都唔用吓個腦」，引發熱議。

自私情侶乘搭HKExpress要求他人換位　大叫：「X街啦！要同BB坐」

早前有港人在Facebook群組「HK Express 香港快運及旅行資訊關注組」發文，指「希望大家學習吓，唔好為自己要同朋友、家人坐埋一齊，然後問人介唔介意調位」。事主指自己真金白銀付了$200多元買指定機位「2C」座位，上機時遇到一班年輕人，其中一對情侶坐於事主旁邊的位置，他們另一位女性朋友則坐在另一行的2D位置。

hkexpress 港人 港人為慳錢可以有幾盡？（圖片來源：Facebook@HK Express 香港快運及旅行資訊關注組）（示意圖）
港人為慳錢可以有幾盡？（圖片來源：Facebook@HK Express 香港快運及旅行資訊關注組）（示意圖）

但那位港女看到坐在旁邊的是一位外國BB，竟大叫了一聲：「X街啦！要同BB坐」，然後更要求BB媽媽坐入去。後來經過一輪調位後，2D的位置由港女變成另一位港男坐，而坐於事主旁的情侶竟突然要求事主調位，更是調到他們都不想坐的BB旁邊位置，指「我哋想同個朋友一齊坐」。

hkexpress 港人 港女見到要同BB坐，即場大叫「X街啦！要同BB坐」（圖片來源：Facebook@HK Express 香港快運及旅行資訊關注組）（示意圖，非當事人）
港女見到要同BB坐，即場大叫「X街啦！要同BB坐」（圖片來源：Facebook@HK Express 香港快運及旅行資訊關注組）（示意圖，非當事人）

事主：我畀錢買咗個位，你好意思開聲要求我調位？

事主此時立即開聲拒絕，指「好介意咁樣調位」，更認為「你哋成後生仔女咁自私，一開始就大聲講X街啦！要同BB坐，身為香港人真係好失禮」。加上事主的座位是加錢購買，不解這班年輕人「好意思開聲要求我調去坐2D位？」、「咁大個人做事、講嘢都唔用吓個腦，為咗自己對耳舒服，唔想聽到BB喊，就叫其他人代你坐？」

hkexpress 港人 由於事主真金白銀付錢買座位，因此「好介意咁樣調位」（圖片來源：Facebook@HK Express）
由於事主真金白銀付錢買座位，因此「好介意咁樣調位」（圖片來源：Facebook@HK Express）

另外，事主亦認為BB母親本身想方便自己照顧BB而付錢買2D座位，但卻被港女「迫佢坐入去」，相當無理。最後更寫下一句：「麻煩大家想坐埋一齊，就早啲俾錢買位，而唔係騷擾其他乖客幫你調位咁自私。大家都係香港人嚟，希望我哋唔好去旅遊時X出國際」。

網民：佢哋真係好天真

事件引來過百留言討論，有人指「部分香港人不嬲都自私同X出國際，但完全唔覺得自己有問題，就係啲座位唔洗畀錢買都唔會要求對方調。更何況要畀錢買…. 佢哋真係好天真」、「我都試過，我即刻講『吓，我畀錢買咗位點解要同你調？咁你想坐外面你點解自己唔畀錢買位？』」、「其實重點唔係佢問你介唔介意調位，係佢哋嘅態度」、「我曾經講過1句，調你老X呀，全機靜哂，佢全程唔敢望我」。

不過亦有網民反駁，指「其實都問一句啫，唔想調位都係答一句啫，我覺得無所謂嘅」、「你呢啲咪垃X港女，一句話唔可以就得啦，講咁X多廢話，擺明撩交打，邊個娶著你真係喊三聲」。

hkexpress 港人 （示意圖，非當事人）（圖片來源：TVB《愛回家之開心速遞》）
（示意圖，非當事人）（圖片來源：TVB《愛回家之開心速遞》）

圖片來源：Facebook@HK Express 香港快運及旅行資訊關注組、Facebook@HK Express、TVB《愛回家之開心速遞》