速年搶平機票去旅行已經成為了不少人的習慣，更因此多了很多快閃的機會。而經常推出優惠的HK Express，無論有幾多delay、取消班機事件，一有得平，就好多香港人都衝出嚟買！正所謂「食得鹹魚抵得渴」，好多網友都覺得平就預咗會出事。但原來唔止廉航公司質素差啲，曾經有網友大呻，HK Express廉航乘客質素絕對係全城最差！
文：杜遊珍 資料來源：連登討論區
我係乞兒！我要平機票！
近日有網友喺HK Express 的平機票post度留言，話：「HK Express 你哋個CEO係唔係返工呀！大家在fb插咗你哋咁多次都唔回應？大阪、東京幾時有$68呀？答我。」圍觀網友就睇唔過眼，叫佢唔好成個「乞兒」咁，點知就激發咗事主嘅自白；「我係乞兒！」可惜此精彩對話已被刪，大家冇得上去食花生喇！
廉航乘客 行為窮酸
事主的「乞機票」行為引發了網友的討論，覺得「HK Express客特別西」，而且比例比其他航空公司高好多，討論區上好多留言都指：「好似癲狗咁乞平機票，成陣窮酸味湧晒出嚟！」「發窮惡。」「愈cheap客愈西。」
網友熱論：廉航客人特別麻煩！
除了行為窮酸之外，好多網友都分享自己的親身經驗，表示：「廉航客人真係麻煩好多！」明明手提行李的quota只有兩個，但就好多人鬧地勤或者偷雞攞上機，再塞爆晒飛機上面的lockers，令到其他人都用唔到！
