香港一年365日都有唔同嘅大型活動，咁係2015年大家最有興趣咩活動？而家即刻睇！

No.10 美食博覽 2015

最識飲識食嘅香港人，美食博覽又點會錯過呢？有免費嘅試飲試食，仲有優惠價買到山珍海味等等……絕對係精明食家必去既博覽！

 

No.9 香港花卉展覽 2015

今年花卉展覽的主題花是「跳舞蘭」，主題是「春．花．舞」，有十八個國家及超過二百個機構參與，展出悉心栽培的盆栽、造型獨特的園林景點及花藝擺設。每年都吸引廣大市民，可以話係龍友影相嘅好地方！

相關文章: 香港花卉展覽2015 花卉夜拍 會跳舞的跳舞蘭

 

No.8 香港年宵市場

年宵相信係你同我都唔會陌生。每年係新聞見到報導嘅自創新產品同埋各式各樣嘅年貨，絕對係過年前嘅象徵活動！

 

No.7 香港巴塞爾藝術展 (Art Basel Hone Kong)

巴塞爾藝術展係香港已經舉辦第三屆。除左有大師級嘅藝術作品之外，仲有唔少年輕新晉藝術家嘅作品可供欣賞。無論遠至過去定近代嘅都讓你感受到藝術所帶來嘅氣氛，岩晒多元化同愛好嘅香港人。

 

No.6  渣打馬拉松 2016

下年2016將會係渣打馬拉松20周年。由於每年參加人數不斷增加，所以渣打馬拉松都成為左一年一度嘅盛事之一。你又有冇打算挑戰下自己呢？

下一頁：頭5位揭曉 邊個活動最多人關注？

No.5  香港動漫電玩節 2015

今年嘅香港動漫電玩節嘅展覽係歷屆面積最高，雖然由去年開始提高左入場費至$35港幣，但仍然無損大家對動漫電玩嘅熱愛！

 

No.4  香港電腦通訊節 2015

身位至潮至IN嘅香港人，身邊嘅電子產品當然要最快最新。係電腦通訊節除左可以見到唔少新科技之外，當然仲有執平貨！

 

No.3  AIA 歐陸嘉年華

講到AIA不少年輕人一定好興奮，除左恆例嘅刺激到暈機動遊戲，今年主辦單位仲新設全港最大嘅戶外飛雪溜冰場！哇……白色聖誕節不是夢呀！

相關文章: 【香港】啟德VS AIA 冬日機動嘉年華比拼

「紫色牛牛」陪你過聖誕！帳幕睇騷 5 個備忘

 

No.2  荔園

對於最愛懷舊嘅香港人嚟講，荔園一定係我地嘅兒時集體回憶之一。係今年闊別18年嘅荔園再度重現，雖然只係短短一個夏天，但都足夠懷念起快樂童年！

 

No.1  香港書展 2015

年度盛事之一點可以少得香港書展。除左有兩岸三地嘅書商會嚟參展，仲有好多正價書本特價發售。就趁每年夏天呢個時間吸引一下書卷味，好好裝備自己！

 

2015香港Google熱搜榜一覽：