Delay no more！上海蒲東機場(PVG)最近又玩ATC！一日十幾個鐘淨係走到兩班民航機！！唔止乘客越嚟越討厭PVG，其實地勤同Crew，甚至係catering，都俾呢個紙紮機場玩死。
強國乘客 化身拳霸
國內航班延誤習以為常，偏偏搭客次次都好躁動，戾氣難掩，我哋當然遭殃！每次上咗客之後delay的話，我哋空姐們就最怕怕啦！因為要同強國人玩困獸鬥，真係少啲精力都唔得掂，仲要小心佢哋隨時便暴徒！早排溫州飛北京有班機delay，搭客等到凌晨、住宿仍未有著落，憤而將地勤打到輕微腦震盪！講近少少，港航早排(又)有班機delay到班大媽嬲嬲豬，繼而動口，真係難為地勤。
強國也有 特事特辦
面對delay，大部份強國客，不論坐咩class，都會想盡辦法快啲起飛。試過唔止一次，做頭等艙時，有強國客一聽到delay，就輕輕鬆鬆打個電話，據呀姐講，佢係電話度講咗一句，我是X總，過咗一陣，明明宣布要延誤 2 小時，突然pull back + safety check！呢啲就真係特事特辦，如果每次飛上海都有個「特」客，我唔介意飛架！
而家好多搭開嘅客都醒目咗，識得轉搭去上海虹橋機場(SHA)，除咗出入更方便，近市區多啲，重點係佢少啲delay呀嘛！就算delay，都少啲飛機同你爭起飛timeslot！最記得有一次，俾個大媽捉住我手問我幾時起飛，隔離有位仁兄，仲答得快過我！事後走過嚟話我知，原來內地有個手機Apps，消息update得算快同準確！delay幾耐、幾時走得，都有個大概！
大概係民族性格大不同，面對滯留， 洋人搭客向來睇得好化，記得早前有班拉斯維加斯嘅航班延誤， 機上的乘客喺冇水、冇冷氣的絕境下呆坐 5 小時，無鼓譟不特止，仲唱《I Believe I can fly》自娛一番！
集油空姐：
歡迎科勞我面書：https://www.facebook.com/facrewcollection/
唔爭在科勞埋我哎豬：https://www.instagram.com/fabeauty_sharing/
