01｜毛公仔
如果男朋友去旅行要買手信給女朋友，那這一條可以略過，不過把公仔帶回香港，非常浪費行李箱的位置，而且並不是所有人都喜歡，所以買之前要三思，以免浪費力氣。當中主持人認為在水族館買的公仔最無謂，而在公仔機夾上來的公仔就可以接受，Do姐直言：「我就唔需要啦，要清呢啲垃圾。」
02｜外幣
「去完旅行仲有散銀未用？一於送給朋友做紀念啦！」除非你的朋友真的有收藏各國硬幣的嗜好，否則還是把神沙留給自己好了…當然如果係大面額紙幣就唔同講法。而Do姐就搞笑說到：「宜家自己港幣都唔想收，仲要外幣！冇興趣！」
03｜球衣
除非你深知朋友喜愛的球隊，否則買錯對方的死對頭，傑朱解釋道：「喺啲唔係球迷嘅眼中，佢覺得你鍾意嗰隊係紅色，佢就會覺得買件紅色嘅波衫畀你就冇死，其實阿仙奴、利物浦都係紅色，你唔小心買錯死對頭就死啦！」
04｜「大補酒」
遊客會外地購買的「大補酒」，當中疑似用了蛇、老鼠、鹿等等來釀，未必所有人都能接受，所以都係唔買最好！
05｜地標模型
在著名景點或遊客區，不論是路邊攤或是手信專門店，都可找到大量地標模型。雖然某些著名地標外觀很漂亮，可是這類禮物也會予人無新意的感覺。除非你肯定對方很喜歡某地標、某國家，否則大多是收到抽屜中，石沉大海。
06｜鑰匙扣、杯、杯墊
以上都是大家會在手信店中常見的產品，這些物品印有當地最特色的標誌，10年前收到就會好開心，不過隨著大家都非常容易去到旅行，這些產品的魅力就不如當年高。
07｜沙、石、鹽
到熱帶國家旅遊，不少人都會買一些瓶裝沙、石、鹽作手信，Do姐聞言坦言：「係啊，嗰啲好多顏色嘅沙，一層一層嗰啲，得㗎啦！慳返啦」當中大家提及到不少人會擅自把海邊的沙石以及火山石帶回家，其實此舉動是犯法，而部分海島更流傳詛咒故事，指隨意把沙石帶回家會厄運纏身，希望對遊客帶有阻嚇性。
08｜貝殼
除了沙石之外，不少人更會把貝殼作為手信，令Do姐感嘆：「唔好啦，一來你又破壞環境，你攞嚟冇用嘅！」
09｜「要照顧」物品
平時生活已經有很多事情要打理，如果對方的手信為需要淋水、陽水、保護、維持、冷藏的物品，相信唔送好過送。
10｜「I LOVE 某某地方」上衣
去旅行時一定會在遊客區看到「I LOVE 某某地方」的上衣，不過就毫無作用，回到香港根本不能穿出街，最後淪為睡衣，CNN指這種衣服太泛濫，又容易撞衫，不適合作手信。
11｜書
相信不同人在閱讀方面都有自己的喜好，加上書本在一定的重量，所以並非最佳手信之選。而Do姐認為要看看是什麼書，畢竟有重量用心良苦
12｜傳統服飾
遊客很有可能會一時興起買下具有當地特色的服裝當禮物，雖然很珍貴，但除了在萬聖節穿上，其餘時間只能放在衣櫃封塵，而且這些服飾並不便宜，說得上「食之無味，棄之可惜」。
13｜自己都唔想收手信
如果是自己都會嫌棄的手信，就無謂送人了。
14｜花圈
提起夏威夷會想起花圈，如果在熱帶地方戴的話，就非常有儀式感，充滿度假風情，不過作為手信的話，到底有什麼意義呢。
15｜最後一刻機場隨手買手信
唔少人會在最後一刻在機場買，大部分都是「唔理好醜，但求就手」的手信，既然無誠意，倒不如不要送。一班主持人表示「關余公子事啦！」雖然Do姐表示機場中的手信店有不少產品都值得買，不過就忍不住再度公審Dickson：「機場都有OK嘅，係睇你有冇心！講返余公子，個芒果乾佢夾硬話好食，係我面前食咗兩條，個痛苦樣啊哈哈哈哈。」
以上都是CNN選出的「垃圾手信」，當然每個人都會不同的喜好，也一定會有喜歡以上手信的朋友，所以就當參考好了！
Do姐瘋狂追擊余德丞 手信「黑歷史」唔止1單
Do姐除了不滿余德丞的泰國手信，更追擊其買手信「黑歷史」一籮籮Do姐指，有次Dickson去完日本旅行，帶手信回公司時直言於日本機場買了蛋糕回來，大家當時滿心歡喜，「日本加蛋糕喎，一定好食啦」，誰知Do姐指「個蛋糕難食到呢，甜到好難食，食咗半啖，已經同佢講唔好食，又無心，連咩都食嘅余迪偉都唔食，個綠茶蛋糕無綠茶味，好鬼甜，真係唔知咩嚟㗎呢D，有無搞錯」。蛋糕無人肯食，Do姐一心以為扔咗，誰知過了一星期後，打開自己櫃筒時即嚇親，指「嘩，一開櫃筒見到個難食蛋糕仲喺度，即係放咗喺度成個星期，即刻扔咗佢。余公子真係Top晒所有人，手信長期No.1，打個突呀我」。
