便利店賣小食、雜貨很理所當然，但大家有沒有想過便利店也會開健身室呢？台灣7-11最近推出咗全新「7-ELEVEN X BEING fit」運動複合店，一樓便利店，吃完就可以上二樓嘅健身房做運動。收費方面不用簽約，按時收費，第一個鐘NT100(約HK$26)，其後每個鐘就NT40（約HK$10.6）。
撰文：Charmaine Wong｜圖片來源：Instagram、BEING fit facebook 專頁、台灣7-11網站 | 編輯：CC＠Central
「7-11 X BEING fit」運動複合店台北開張
作為第一間複合店位於台北松江路、行天宮附近住商辦混合商圈，搭捷運就去到！
二樓健身層分咗做4大區域，分別係重量訓練區、自由訓練區、多功能訓練區同埋有氧訓練區，一共有40種運動器材，同時間有4位教練在場指導，亦有各個器材嘅使用教學影片喺電視螢幕輪流播放。另有多元團體課程、專業的一對一私人教練、團課及企業包班服務等等。健身室收費為第一個鐘NT100(約HK$26)，其後每個鐘就NT40（約HK$10.6）
目前二樓「BEING fit」只可以用icash2.0支付健身費用，不過現場不能增值，增值要去一樓門市！營業時間為每日早上6點到夜晚12點，而人數上限為50人。