黑門市場有「大阪廚房」之稱，早10年前一直都是港人必去的大阪景點之一，但隨着越來越受遊客歡迎，價錢亦越賣越貴，由劏魚變「劏遊客」。當地人不會光顧之餘，更批評是「大阪之恥」！香港網民指：「淨係有幫襯木津市場」、「幫襯嗰個要交智商稅」、「遊客都飛走呢個景點」等。

黑門市場海鮮賣貴2倍劏遊客　日本人批：大阪之恥

黑門市場是大阪熱門遊客景點之一，不但可以食到既新鮮又抵食的海產，又有新鮮的蔬果、和牛、乾濕貨等，是掃街的好地方。日媒《集英社》報道，開關後日本人對黑門市場的評價每況愈下，海鮮價錢是市價的2倍，更有「劏客市場」之稱。

黑門市場劏遊客黑門市場（圖片來源：IG@roxanne3120） — 黑門市場（圖片來源：IG@roxanne3120）

《集英社》於6月到訪黑門市場，發現市場內的遊客佔90%，而價錢方便令人大吃一驚，帝王蟹腳4條索價3萬日圓、赤蝦1隻2,500日圓、2隻帆立貝1,000日圓、岩手產生蠔2隻1,200日圓，10件壽司4,800日圓，都貴過市價2-3倍。除此之外，其他貨品如模型、公仔都貴過定價一倍。有一位受訪女士指：「原本想來買晚餐配菜，看到價錢後寧願到百貨公司的地下街買」。

當地居民批：大阪之恥！

報道指黑門市場有一半的店舖都賣高過市價，而當地的日本市民批評價格昂貴，而且出售商品迎合遊客，沒有考慮到本地市場。疫情期間要衰求當地人光顧，但旅遊業復甦後就只想賺遊客錢，一位大阪居民批評黑門市場是「大阪之恥！」

黑門市場劏遊客海產（圖片來源：IG@roxanne3120） — 海產（圖片來源：IG@roxanne3120）

香港網民：喺正遊客區實劏你

香港網民就指疫情前幾年就已經成為劏客市場：「喺正遊客區實劏你」、「都係去感受下就算，唔會買嘢」、「去遠少少和歌山黑潮市場正好多」、「有間燒海鮮仲要係內地人開，海鮮臭嘅」、「而家黑門係市價嘅3倍，仲要好多間係新開」、「500円魚肉蟹棒，4,000円極韌和牛串，仲要唔好食，留返啲錢幫襯4.5星以上嘅餐廳仲好」等。