【日本】鹿兒島最新吉祥物「刀疤熊」霸氣挑戰Kumamon！@主場日本

「黑社會熊」登場?! Kumamon最強勁敵現身?!

相信大家都見識過Kumamon的魅力，肥嘟嘟的可愛造型，不用多介紹，日本其他縣市都好想經營能夠匹敵的「行家」，就算做唔到第一，都想做第二吖！

眾多吉祥物，最近仲同綾瀬參演咗 Panasonic PRIVATE VIERA的廣告：

除咗Kumamon，應該冇咩人知道九州其他縣嘅吉祥物係咩，我都係最近先知原來鹿兒島有隻綠色豬叫做Greboo（ぐりぶー），佢仲有隻粉紅色豬老婆叫Sakura，近期仲生咗7隻七彩嘅豬！

咁都唔夠勁，早兩日鹿兒島啱啱又多咗隻江湖味好濃嘅吉祥物，叫做Black Bear ！

早前的記者發布會上，刀疤黑熊站在七彩的Greboo豬家族前登場，充滿違和感：

實在期待黑熊跟Kumamon對戰的一天，不知道熊本熊的萌樣能否溶化刀疤熊？！

初登場已經十分活躍，十足特攝片主角，身手咁好，似乎不容易找替身啊！

據說日本嘅女仔覺得佢好有型，所以叫佢做型仔熊（イケベア），唔講唔知，整佢出嚟，原來係為咗撼隔離縣嘅Kumamon！

而又據說呢隻「黑社會熊」將會有3隻跳舞好叻嘅「狗朋友」不日登場… 即係擺明硬撼隔離另一個縣嘅「宮崎犬」！

▲亦有日本網民指出，刀疤熊的煞氣、刀疤、窄身西裝造型，十足十早前奇洛李維斯演出的《殺神 John Wick》！

老實講，贏出嘅機會太低，但勝在有創意兼幾搞笑，我會嘗試為大家跟進下！
圖片及資料參考：おたくま経済新聞