【鳥取砂丘塗鴉】近年有唔少新聞都同遊客外遊時不守當地規則有關，損毀歷史文物、亂拋垃圾、破壞大自然環境等負面報道有不斷增加嘅趨勢。日本旅遊熱點之一嘅鳥取砂丘，近日都出現咗一則「被害報告」，惹來一眾日本網友嘅不滿。
撰文：C｜圖片：鳥取縣
鳥取砂丘遭遊客塗鴉「寫大字」破壞景觀
上星期五，鳥取縣國立公園・鳥取砂丘發現咗闊5米、長25米嘅巨型塗鴉！官方亦指1月4日更發現有車呔痕跡（鳥取砂丘被日本政府指定為以保護生態環境為目的嘅「特別保護地區」，禁止車輛進入及行駛）！
據鳥取縣官方所講，1月10日約下午3時半左右，職員於巡視砂丘時，發現斜坡上現有巨型塗鴉，並寫住「HAPPY BIRTHDAY NATALIE」。從觀光客情報中，發現由身處附近嘅1男1女外籍遊客所畫，職員遂提醒2人行為不當。2人無法以英文溝通，而且國籍不明。職員同2人一同抹去文字塗鴉便了事。
於鳥取砂丘上塗鴉，係違反當地「鳥取砂丘保育條例」嘅禁止行為。大家出遊時謹記要做好功課，唔好冒犯到旅遊地嘅規矩喇！
日本Twitter網友熱論
@rQl9ot583PtNqE0：明明寫英文，但就話無法用英文溝通，日本人竟然會相信咁荒謬嘅藉口。睇嚟外國人暫時都仲可以為所欲為。
英語で書いてるのに、英語が通じず。
こんなクソみたいな言い訳を通してしまう日本。しばらくは外国人はやりたい放題できそうだな。— トワインブルーム (@rQI9ot583PtNqE0) January 11, 2019
@83_hati27：本來我覺得「叫佢哋攞passport出嚟啦」咪得，但可能只係扮唔識英文，乘機逃避逮捕同罰款啫！
パスポートを出してもらえよ！！って思うんだけど。
英語通じないふりをして、逮捕や罰金を逃れただけだと思うんだよね。
— ㋯㋒🌱 (@882_hati_2282) January 11, 2019
@ryo14098989：雖然有好多留言話：「唔識英文又點解會寫得到英文？」但事實上唔識講英文，卻寫得出happy birthday嘅人周圍都係啦！
