海洋公園位於大樹灣的全新「水上樂園」，終於在今日（11月5日）動工。之前發布過一輯梯田式設計預想圖，來自去年園方發放給區議會的內部文件，今日樂園就正式向公眾披露樂園最新設計詳情
「五彩天梯」 升級登場
水上樂園的多項景點及設施將橫跨室內及戶外區域，並遍及3層分別以珊瑚、洞穴和海灘為主題的空間。園內設有18個不同刺激度的景點，包括專為大膽遊人而設的激流滑梯，以及較溫和的悠閒河流。樂園亦設有多項在香港首次面世的水上遊樂設施，包括可供遊人踏上滑浪板一嚐衝浪滋味的設施。昔日廣受歡迎的「五彩天梯」將會以全新面目登場，讓遊人躺在墊子從8條極速滑梯高速滑下！
依山而建的水上樂園面向南中國海，梯田式的平台設計，加上種滿植物的綠化屋頂，天依無縫地融入大自然中，在現有的斜坡地形上興建巨型滑水梯，無須添加大量的承托支架，能減少挖掘和棄置建築廢料。
網民睇淡 「到時會有大量大媽著bra游水」
雖然預想圖好靚，回憶又美好，有人懷緬 「當年五彩天梯D人滑落黎ZIP 晒泳褲磨PAT、坐水泡浮呀浮下」的陳年畫面，有人記得「細個買年票暑假日日去，玩個似空中飛人既嘢，抓住個三角環飛出去跳出個下不知幾high，可惜之後停咗。轉咗做跳水表演」……
不過新一代網民就睇得好淡，甚至認為設施唔係為香港人而設，認真悲觀。有人表示「無香港身分證唔比入我就去」、「好快會變大便樂園」、「以前唔會怕被大陸人迫爆；而家……諗起都有點怕」、亦有人預期「到時會有大量大媽著bra游水 同有細路痾屎」，甚至腦內補完，加入大陸水上樂園塞滿佈遊客的畫面，大煞風景！
不少網民建議樂園開幕後可以實行中港區隔，甚至係港人優先：「開張後兩年規定只可供有香港永久身份證和出世紙的人使用。 不然會被大陸人攻陷！」愈講愈肉緊，似乎擺脫不了中港矛盾的議題！
背景資料：港鐵南港島線（東段）將於2016年年底通車，大大縮短來往市區及港島南區的交通時間。此外，香港海洋公園萬豪酒店項目將在2017年落成，配合2018年啟用的大樹灣水上樂園於。
