香港快運乘務長有趣廣播 竟惹網民不快？
近日，bling_foodaholic在Instagram上傳了一條影片，影片中可以聽到，香港快運乘務長的特別廣播：「都希望你唔好太過傷心同埋難過，始終你哋啱啱去完大阪，跟住又要搭我哋香港快運，去到東京、名古屋咁樣，返工搵錢係無可避免㗎，不過好遺憾嘅係，聽日嘅氣溫會跌至7度，早啲休息，聽日再着多啲衫，好好上路，好，各位翻工加油，拜拜。」這段有趣的廣播完結後，還有乘客聽到拍手。
這段有趣的廣播令很多網民都讚好，「幾Warm喎」、「好親切！」、「好搞笑，起碼唔係一式一樣的廣播，會想再搭」、「真係幾幽默，好難得」，同時亦有網民很羨慕「點解我搭香港快運淨係得：cabin crew, prepare for take off.」、「新年飛唔知會唔會遇到佢」、「終於聽到廣東話幽默既廣播喇」。
不過乘務長的一句「好好上路」亦引起了部分網民的不滿：「好好上路，開飛機咁講好咩」、「好似落地獄」、「上路。。。怪怪的」，亦有網民認為乘務長的廣播差不是常規廣播，相當不專業：「個人覺得反感，當自己係DJ做節目？佢嘅目的係氹人開心嘅話，聽完唔開心喎」、「點解翻工可以亂噏嘢」、「去完旅行，要畀人提翻工，真係好灰。」，更有人指要寫信去投訴乘務長，並寫下投訴模版，希望大家可以齊齊投訴，不過有網民就反駁「你係咪覺得佢講咩會影響到佢揸飛機嘅技術？（影片誤植機長，故而誤會為機長廣播）」。
