地勤分享工作離譜經歷
日前有任職地勤的網民向Facebook專頁「西店Hi客之道 Hispitality Secret」投稿，表示作為地勤人員，見過的離譜客人實在太多，並分享了一則他覺得最離譜的親身經歷。作為地勤的他表示十分明白大家旅行時遇上飛機延誤會十分影響心情，所以如果客人帶少少情緒責罵地勤，他也表示可以理解，也會稍作忍耐。
但有次一班由香港飛往北海道的航班因為北海道下大雪，機場跑道封閉而延誤3 – 4小時。在等待期間，有位男乘客開始情緒失控，質問作為地勤的事主：「先生究竟幾時會飛？」事主解釋到因為北海道下大雪，機場跑道封閉，所以他也不太清楚，而航空公司也在等待通知，並明確表示一有最新消息就會通知乘客。
男乘客聞言情緒失控
豈料聽到此回答的乘客卻情緒失控，更一拳打到事主女同事的眼睛，女同事驚恐到當場哭泣。而憤怒的事主面對這樣的情況也忍不住反駁該位出手打人的男乘客：「先生你有無搞錯呀！天氣問題我地都唔想㗎，你喺到鬧我哋我都算啦，你都唔洗打人㗎！」
客人居然還認為自己的行為沒有問題，更表示： 「你哋做得呢行就預咗㗎啦！」事主回答到：「係呀我哋預咗會有啲咁嘅事發生，咁你做得出咁嘅事都預咗我會做啲咩㗎啦！」隨後事主利用櫃檯上的電話報警將滋事的客人帶走，最後航空公司將涉事客人列入黑名單，同時被限制1年內不可踏入機場。他無奈地表示：「其實去旅行都係想開心啫，搞到件事咁大何必呢？而且其實佢等多半個鐘就有得上機。」
網民：有無搞錯呀！
投稿引來大批網民熱議，不少網民表示「嬲到震」，紛紛鬧爆：「應該要有案底先啱！」、「啲客係機場入面搞呢啲嘢預咗死硬」、「情緒失控有狂躁症就去睇精神科先，學咩人去旅行」、「公司肯畀同事報警抵讚！有啲公司會叫同事美其名就和解，實際係啞忍」、「佢咁想搭飛機，不如試下飛到去機場上面掟佢落去」。
