韓國除咗可以去Cafe或者便利店食好嘢，仲有唔少嘅街頭小食可以揀！有炒年糕、魚糕、芝士燒龍蝦、燒扇貝、蜂蜜雪糕等，好食程度絕對可以媲美餐廳。以下呢11款韓國街頭小食，大家千祈唔好錯過啦！
編輯：KM｜撰文：Cynthia、姐  |  圖片來源：新傳媒資料室、網上圖片

11大韓國街頭小食

01｜芝士燒龍蝦

店主將原隻龍蝦冰鎮喺檔口，一收到order就即場燒，再加大量芝士，望住芝士受熱慢慢溶化，愈等愈覺得好肚餓！原隻龍蝦可以輕易起肉，食落好新鮮，肉質超扎實，街頭小食都可以勁豪華，邊行邊食都會感受到大家羨慕的目光！
掃街都可以食豪華食物！以掃街來說價錢略貴，但新鮮程度絕對超值！
龍蝦香氣吸引，令人忍唔住想買一份試試！

02｜五味燒

明洞有一家好出名嘅小食店「오미야끼」，售賣各種鹹味嘅車輪餅，裡面有隻熟蛋，另外仲有不同嘅餡料供選擇，有章魚、蝦、煙肉等，非常足料！之後再加入超多沙律醬及柴魚片，好多女仔都一人攞住一份食，分量細細但餡料超多，食完都唔會太飽。
圖片來源：IG@se2_an
圖片來源：IG@jjeunggggo

03｜鯽魚蜂蜜雪糕

明洞大熱嘅鯽魚蜂蜜雪糕造型超可愛，現場放咗一板板嘅蜂巢，鯽魚狀嘅麵包擘大口塞入一大球雪糕，再倒入甜甜嘅蜂蜜，設計可愛之餘仲非常消暑，好適合鍾意食甜品嘅人！
鯽魚形的麵包已經夠可愛，檔主還會在魚嘴裡塞一大球雪糕，超正！（圖：IG@ssosso_1231）
店面還清晰地解構了蜂蜜雪糕的設計，附有日文和漢字，十分貼心。（圖：IG@ssosso_1231）

04｜雞蛋麵包

雞蛋麵包係韓國好出名嘅街頭小食，老闆會先喺模具內放入麵包，再打入生雞蛋，等雞蛋慢慢變得半熟，就會放喺爐上保溫。一攞上手，依然係熱辣辣嘅，蛋白表面烘得微焦，而蛋黃保持半熟狀態，嫩滑嘅雞蛋搭上軟熟嘅麵包，超受韓國人歡迎！
上面是半熟的雞蛋，下面則是軟熟的麵包，好食之餘，價錢又超便宜！
簡單的小食同樣受到歡迎，細細份邊走邊吃很方便。
雞蛋麵包嘅款式有好多，其中一款係喺雞蛋上灑上芝麻杏仁粒，增加口感。
圖片來源：IG@yu_annyeong_ki

05｜牛油芝士燒扇貝

師傅會即場開扇貝、拆肉、切成一粒粒，貝殼睇落仲大過塊面，好震撼！店主放滿大量牛油及芝士，再用火槍噴火燒熟，好似現場表演火燄秀咁，每次都引來超多人圍觀。扇貝爽口彈牙，同牛油、芝士好夾，唔會太滯。
扇貝切成一粒粒，芝士味完美包住貝肉，食落更加香。
檔口每次都會聚集超多人群！

06｜烤芝士年糕

年糕係韓國人嘅國民美食，除咗辣炒年糕，仲有烤芝士年糕，好啱唔食辣嘅人。芝士及年糕相間地串埋一齊，芝士燒到淡淡焦香，口感十分煙韌，店主會再加入煉奶，好似食緊甜品咁。除咗遊客大愛外，同樣好受韓國人歡迎！
芝士和年糕相間地串在一起，加上甜甜的煉奶，口感十分煙韌。
不只是遊客，很多韓國人都愛買一串來吃。

07｜椰菜雞蛋卷

韓版大阪燒！薄薄的麵漿上加了大量的椰菜，以及大大片的豬肉，檔主俐落地翻面、捲好，最後還會在大阪燒上加一顆半生熟的雞蛋，單看製作過程已經令人流口水，每次去食，現場都有好多人拿著手機拍片！為了方便食用，檔主更會細心切開，十分貼心。
老闆會將大大份的椰菜雞蛋卷剪開，方便食用。
一整排的椰菜卷都放上了半熟的雞蛋，看起來十分誘人！

08｜吉士醬蛋糕

吉士醬蛋糕也是和花生蛋糕相同，蛋糕餡料是滿滿的吉士醬！喜歡吉士醬的人是不能錯過。
吉士醬蛋糕也是小小的一口吃，非常方便。
地鐵站可以找到它。

09｜年糕炸雞杯

想過下口癮食年糕同炸雞？這個小食非常適合你，因為小小的一杯可以滿足你兩個願望！香脆的甜辣炸雞配上煙韌的年糕，口感令人驚喜，完全解決過下口癮的一刻。
一手一杯，另一隻手可以繼續shopping。
即叫即做，熱呼呼非常好食。

10｜烤雞肉串

烤雞肉是一年四季都很受歡迎。雞肉辣中帶甜，與大蔥串在一起烤，特別入味。另外，有些加上特色辣醬，更加惹味。
特色辣醬另上，方便不太愛吃辣的人士。
老闆是即叫即燒。
除了平常吃的款式，當然少不了韓國人最愛芝士烤雞肉串！

11｜薯條熱狗

薯條熱狗是一款比較飽肚的小食，因為熱狗外包上一層層薯塊、薯條，再油炸。加上厚厚的番茄醬，會更加香口！也有一款是沒有薯塊、薯條，只有熱狗去油炸。
圖片來源：IG@girin8