雪冰（ 설빙 ）是釜山起家的品牌，由釜山紅到去首爾，而在釜山南浦的店就是本店。當中，最有名的便是韓國傳統的牛奶冰，加入了黃豆粉、果仁、年糕等甜食。聽落雖然組合有點古怪，但食落唔差。
不過，數到店中最有人氣的冰類，就非草莓牛奶冰莫屬。草莓牛奶冰售價9,500won(即$68.5)，其夾層內有紅豆蓉，上面則有同是紅豆餡的草餅，配上甜甜的練奶。份量比香港的冰類甜品大一半有多，兩個人食都夠。
編輯雖然喜歡甜食，但都覺得紅豆蓉夾層甜爆，好在有牛奶冰中和一下，而且士多啤梨新鮮之餘又大粒，確係抵食。而店內的環境也算光猛舒適。
雪冰本店內還有許願樹呢！雖然韓國有很多甜品店也會設一棵樹比人寫下許願卡，但這裡卻改用店裡提供的紙巾作許願卡。遠睇許願樹都覺得同店內環境相襯，但再望真啲就有少少搞笑了！
설빙 本店
地址：釜山中區昌善洞1街 37-2
交通：南浦站1號出口，走進光復路大街，靠左直走至第3個街口，左轉入即到。
