貓奴加財奴請注意！貨幣上圖案往往代表地方文化歷史，香港錢幣就有洋紫荊，九七前發行有英女王頭像。而拉脫維亞銀行就在11 月發行一款紀念銀幣Fairy Tale Coin I. Five Cats。銀幣一邊有五隻大舖同眠小貓，精緻地還有五對小靴放在床邊。反轉一邊，小貓拿著碗和匙準備開大餐。靈感來自當地故仔《 Five Cats 》，代表拉脫維亞人深信童話故事之寓意——善良終戰勝惡魔。ebay等平台已有人放售，較原價貴起碼3成，相信炒風會繼續滾，喵！
香港硬幣手作人林橙就表示，其實故事有兩個版本，「一個係Kārlis Skalbe寫嘅五貓故事，就話說從前有一日五隻貓好肚餓，有奶有盛想煲粥，不過偏偏就冇柴。出去搵咗好耐都無功而還，最後靠合作先搵齊柴煲粥。」而另一個版本來自Alberts Kronenbergs，分別係最尾講唔掂數貓仔繼續捱肚餓。
「而coin上面畫嘅，一面係五隻貓食緊嘢，另一邊係講五隻貓已經食完嘢，飽到成個波咁上晒床瞓。」
突圍歐萌
拉脫維亞為波羅的海東岸三國之一(Baltic states)。 2014年成為歐盟成員國，流通貨幣由拉特(Lats)改為歐元。拉脫維亞發行過不少富地方特色的銀幣，包括紀念消防隊成立150年、名著《 The White Book 》「方形幣」等等，入歐後仍無損其文化色彩。
Bank of Latvia
•網址:www.bank.lv/en
•備註:貓幣發行量一萬個，於當地發售
