機管局疫苗抽獎 送出5萬張免費雙程機票
去年為了鼓勵市民接種新冠疫苗，香港政府推出了多項活動「谷針」。而香港人出名愛旅行，機場管理局便贊助國泰航空及香港快運（HK Express），發起「2019冠狀病毒病疫苗接種免費機票大抽獎」，兩間航空公司各送出25,000張機票，共送出50,000張往返歐美、加拿大及日韓等地的機票。
大批中獎人留言大鬧HK Express兌換機票限制多多
最近隨著各國開關，香港入境防疫政策也放寬至「0＋3」，HK Express也於11月7日或之前向中獎者發送了兌換通知電郵，不少中獎者在收到電郵後就即時著手兌換機票，以為可以快速兌換機票後去旅行的他們卻發現有著重重困難。於HK Express官方Facebook專頁最近帖文的下方可以見到有大批中獎人留言直指兌換機票限制多多，包括一個月內要決定出發日期、2023年4月30日前要完成旅程、旅遊旺季無機票可以選擇、免費機票但稅項雜項自費、淡季靚時間亦有機會滿額而無法成行等。
不如唔好送啦，諗住3月23出發，但最接近去程係3月21號，回程最快3月25號（即係去4日），跟住就要到4月19號先可以返嚟，差唔多要去成個月，係咪諗住啲人2年無去旅行就一次過？！
中獎者嘲弄：抽獎要講運，兌換都要講運
大批中獎者都半苦笑半嘲弄留言指「抽獎要講運，兌換都要講運」：「中伏啦！收到都冇用，想11月中去，竟然話已客滿但自己畀錢買就有大把位…香港快運啲機票唔係你畀出嚟㗎，係機場管理局贊助㗎」、「錢就機管局俾，之後就焗你去唔到」、「收到電郵即刻嘗試兌換，但香港來往大阪機票，從十一月開始到四月活動結束期間，每天兩班機但『全部客滿』！」。
網民怒斥HK Express捉弄港人
另外，亦有不少人指出可兌換日子非常不足：「根本冇位可換，不是每個人都可隨時攞到假的」、「得一個月兌換時間，要人即刻決定，假都唔知拎唔拎到。飛首爾個個月都勁full，都唔知叫人點兌換」。同時也有網民指HK Express的處理手法對於中獎人十分不公平：「機位先到先得可以理解，但貴公司是否有預留數量給中獎者？畢竟我們算是必然能獲得機位的，不是嗎？」、「先收email 先換，咁後收啲人咪好唔公平？」、「貴公司的行銷手法，這究竟是什麼一回事？！捉弄港人嗎？」
一個promo，就睇到HK Express好短視，貴少少嗰啲就客滿無位，如果俾錢就見仲有大把位…又唔諗下一張免費飛背後係一個家庭嚟，要買正價機票，依家最可惜係免費飛加錢都無呢個選項….. 得客滿無位呢個選項。
