網民：葵涌廣場仲算唔算窮人恩物？網民推介4大平到爛食店

葵涌廣場（簡稱「葵廣」）一向也被喻為香港的「窮人恩物」，裡頭的各種食店既便宜又實惠。但是現時葵廣食店是否依然咁抵食呢？有網民發帖討論「葵涌廣場依家仲算唔算窮人恩物？」，指出以前掃街 $50有找，現時單點一個小食也接近這個價錢，想盡興地掃一次街也起碼幾百蚊！帖文引起不少網民表示讚同，齊齊回憶以前葵廣「平到爛」的輝煌歲月，同時亦有網民推介依然屹立不倒的超平民貼地食店！

網民慨嘆：葵廣不再是窮人恩物

樓主發帖大呻葵廣今時唔同往日，已經不再是窮人恩物，發文：「以前學生時期掃次街50蚊樓下搞掂。家陣啲小食下下40、50蚊，食個布甸食個牛角包都50蚊，掃次街都成幾百蚊，得果2間果汁仲賣緊十蚊杯」網民無不讚同：「掃街而家貴過就咁搵鋪頭食啦」掃街分分鐘要幾百蚊：「芝x味一杯野飲都就$50（但好飲的）加下啲小食已經$300-400 」不少人想平的話，寧願吃老麥或爭鮮：「葵廣貴過30蚊都on9，我落地鐵站買爭鮮，或者魚蛋燒賣仲抵x」、「依家葵廣30蚊樓下應該都冇咩選擇，珍珠奶茶都唔夠」、「冷麵食飽都要挨近30，仲未計杯芒椰奶西(大)」。

葵涌廣場窮人恩物葵涌廣場似乎不再是窮人恩物。 — 葵涌廣場似乎不再是窮人恩物。（圖片來源：新假期編輯部）

葵涌廣場窮人恩物葵涌廣場葵廣3樓一向有很多平靚正小食。 — 葵廣3樓一向有很多平靚正小食。（圖片來源：新假期編輯部）

葵涌廣場窮人恩物葵涌廣場入舖頭食平過掃街。 — 入舖頭食平過掃街。（圖片來源：連登討論區）

回憶平靚正歲月，幾蚊杯果汁

網民禁不住回憶以前的光輝歲月，是何幾平靚正，真的3蚊就有杯果汁：「以前三樓芒椰奶西先$3.5咋」、「 4蚊係西瓜汁」不過都是十多年前的事了：「年齡暴露， $3.5係十幾年前」章魚小丸子也不過10幾蚊，不過日之船己經結業了：「以前人流少就算係十幾蚊有日船依家見到果幾間食章魚丸，成40蚊盒，又細粒」當年冷麵也是平到不可置信：「以前冷麵10蚊11包就話抵食姐，依家一包都成5蚊，得果幾片料，真係呃水魚」。

有網民覺得原因在於現今舖租太貴：「日X日、個X個都係到吹奏葵廣，人流旺到X街，啲舖租就加到X街，最後啲灣咪愈來愈貴囉，以前靜靜地無咩人知，都唔知幾X好行」通脹也是原兇之一：「2023都嚟緊啦，通脹搞到啲野貴哂乜都加係人工唔加。」