我們找Roger來講下最新情況，他表示除了安全及一般行程，最重要都係個心態！究竟有咩要注意？點先叫respect？睇下啦！
採訪：Venus
01 | 目前泰國治安情況如何？市面易有動盪場面嗎？
泰王駕崩前，軍政府曾表示收到10月尾將發生汽車炸彈的警告，市面和機場已明顯加強軍警檢查戒備；如今更有外界猜測將有政治動盪或軍事政變，紅黃衫軍事件可能重演。身處曼谷的胡慧冲則表示，據他所觀察，市面尚算平靜、安全。「泰王駕崩就好似爸爸剛過身，唔會有衰仔敢攪攪震出來打交。」所以他推測在哀悼期間一陣子，市況反會較穩定。如因工作需要前來採訪的記者朋友，需要注意的反而是一顆尊敬皇室的心情。
02 | 為何有人穿粉紅色衫？旅客可以穿 sharp 色衫嗎？
大家睇新聞圖片可能會奇怪，為何泰王逝世消息公布當天，電視畫面上很多致哀的市民身穿粉紅色衫？原來是因為民眾早前發起「穿粉紅色活動」，指粉紅色是泰王普密篷的幸運色， 泰王生病、住院時，大家為他穿上粉色來集氣祝福。現時人已走，大家應穿黑或白以示尊敬。
「而家好多市民都穿黑，店家亦將黑色衫放晒出來方便客人買。」Roger補充：「其實我在商場、市集見好多旅客都如常穿著，其實就算穿好sharp的色，都唔會有人討厭你或走來騷擾你，穿得素啲，自己當一份respect囉！」
03 | 一個月的哀悼期內，旅客唔畀笑、唔畀玩？
現當地至少致哀一個月，皇宮附近、公園、商場、街上都會有大大小小悼念活動，Roger提醒大家要有同理心。「旅行時多留意四周，可能隨時遇上街頭悼念活動。唔係唔畀你開心，旅客可以照去玩樂、掃市集，正如當地總理也呼籲市民如常生活，只係路經拜祭、悼念活動時，敬請保持謙卑。如果掛住同成班旅伴嘈嘈閉、唔小心攞自拍棍亂咁舞就失禮喇！」
04 | 夜店、酒吧、按摩店一律暫停？11月的節慶會否如常舉行？
夜店會暫停營業一個月，但一般酒吧、商場，甚至乎按摩店也不受影響。記者亦向一間有名手工啤酒店查詢，他們的回應是：「We are still operating as normal working hours as we are not nightclub。」大家要留意bar/pub/club的分別，最好先致電問清楚。
