今次去呢個地方，係需要有充足嘅體力同埋行樓梯嘅準備！

仲有一定要帶定適量嘅水＆糧食先好去啊～因為沿途並冇任何退出點或補給點。

要留意番～最好可以一早出發～同埋遇上天氣惡劣就唔好去喇！ 因為路程都會幾崎嶇。

今次要去嘅地方，就係要上去呢個叫做「昂坪棧道」又稱為「昂坪360救援徑」。

係一條由東涌往返昂坪嘅路線，共有八個纜塔及兩座轉向站。

全程以石頭及木板搭建而成，主要為救援及維修之用！

全長約5.7公里，全程約需4小時。

＃講笑咋？＃要行上去？＃平時幾級樓梯都喘晒氣！

會由東涌出發，會經過一個石灘「東涌灣」，會望到一架又一架纜車駛過。

終於……終於……千辛萬苦行到上嚟～呢個就係岩岩喺下面遠望上嚟嗰個「3號塔」。

終於上到嚟呢度……之前幾辛苦都係值得～

因為風景真係好靚，仲可以睇埋日落！ 纜車喺頭上一架一架咁駛過！

咁近嘅距離，仲有好多熱情的遊客們同我們揮手！

坐在木板休息一下，欣賞完風景再起行…..

沿路兩旁也有花草樹木包圍著，空氣都特別清新。

之後就跟住一架一架纜車嘅方向行……上上落落……再去到「 4號塔」！

(3號與4號塔都有1公里嘅距離)

去到呢個位置 (大約有海拔 385米) ，遠望見到呢度就係「赤鱲角機場」。

又上又落嘅梯級，少啲力氣都唔得～喺呢條樓梯休息咗幾次。

＃行山初級者　聽我個名就知　#偽山系女孩 係需要再行多啲山 訓練下:(

同纜車嘅距離愈嚟愈近喇～

行到呢度～帶著興奮跑到上去，以為到咗目的地～

原來呢度只係「 5號塔」，即係昂坪棧道最高點>.<

彌勒山嘅轉向站(海拔大約 570 米) ， 右邊有一條分岔路往直升機坪。

記得直行先係去「5號塔」～

離開彌勒山轉向站之後，終於可以開始行番落山。

之後嘅路都比較易行，冇咁辛苦，風景都不錯，回程時遠望仲見到天壇大佛:)

終於……終於……到達終點！ (大約用咗2.5小時完成)

行番落去已經係6:30 ! 天已黑~ 啲舖頭已經收咗舖！

如果早到達可以去昂坪市集行一行。

最後建議大家……早少少出門同帶多啲水去！因為需要一些體力先完成！

由於比較多樓梯又斜，天氣惡劣就唔好去啊！ 以免有意外發生。

同埋留意番(巴士23號)尾班車時間： 返東涌最後一班7:10！ 好彩都趕得切！

返去東涌大約車程需要50 mins。

講番起點 ：可以由東涌鐵路站坐38號巴士去到逸東邨 落車！

去到福逸樓側旁有條單車徑，

沿路前往侯王宮方向的指示直行，

**不用上天橋**之後會有指示牌，之後右轉行落樓梯。

若你喜歡，請支持我的facebook～ 偽山系女孩Grasslands