自從開始做空少，身邊最多人關心的，除了一折機票聽落好筍之外，就是邊類型嘅客令我最深刻、點先可以食多一個飛機餐。而最近就發生了這樣的一個故事…… 令我深切地體會到，飛機上面肚仔餓係會傳染的！
text： GOtrip編輯部｜插畫：業餘空少飛Sun
內地小朋友遊學團 大駕光臨
事緣有次成班機，有百幾個去遊學團的內地小朋友。
到了派餐時間，我就攞住幾個特別飛機餐經過一眾遊學團小朋友的機位。（註：特別餐有分為兒童餐和嬰兒餐，今次派的是兒童餐。）
兒童餐是非常罕有的！
送餐服務完成後，突然見到有隻小手在揮動，聽到有人喊：「服務員、服務員……」我就過去了解一下有甚麼需要。
「你好，有甚麼幫到你？」
「哥哥哥哥，兒童餐可以買嗎？」
原來有個小朋友，見人哋有兒童餐食，就問我可唔可以要一個。當下我心諗，好彩唔係開杯麵，否則一個叫完後，再聞到香味，接著個個叫。
不過，在飛機上用餐，尤其是要訂兒童飛機餐，就必須在訂票時告知，點知細路佢 ……
有錢便是爺
儘管我已經解釋了：「不好意思，兒童餐要上飛機前預訂的。」
那個細路依然鍥而不捨地追問價錢！完全是有錢便是爺的態度呀……
「付人民幣可以嗎？」
「付坡幣可以嗎？」
「付…….」
我當下真係無言…… 原來細路聽唔明人話。
「現在可以拿來嗎？」
他已由褲袋中掏出了現金！
我當下變了隻只係識講「沒有」的鸚鵡，狂哮：「沒有沒有沒有沒有沒有沒有沒有……」
原來冇大人睇住嘅細路客，真係溝通唔到呀（抱頭）！