在飛機上 serve 客，即使為人有幾小心，「倒瀉嘢飲」的意外總會發生。「倒瀉嘢飲」都有程度之區別，若是凍飲顏色不深的話，快快手遞疊紙巾，再斟茶認錯跪求原諒，心地好的客人都會放你一馬。至於奶茶咖啡紅酒之類，就要自求多福。而今次空少我就遇到呢位香港客人……
text： GOtrip編輯部｜插畫：業餘空少飛Sun
高空三萬呎 倒瀉嘢飲
對空中服務員來說，在飛機上開汽水，都是在賭命！皆因每次開汽水時，那股澎湃的衝力是好難去捉摸的，周不時會發生倒瀉，甚至噴到客人全面的情況。而今次到我，遇上呢單蝦碌事……
「弊喇！！」唔小心將支可樂兜口兜面倒瀉落一個香港乘客的身上！
電光火石之際，我發現我的驚訝程度比那位男乘客更誇張，唔通佢嚇窒咗……
「對不起啊，先生！」我已經準備好要跪玻璃的心。
佢竟然冇黑面、冇鬧人，反而笑口噬噬講：「唔緊要。」雖然普遍的男乘客比女乘客易服侍、易話為，但好少遇到咁睇得開的乘客。
呢個時候，我留意到坐喺佢後面的女士偷笑……
一般的香港客都較奄尖，被我倒瀉汽水嗰位乘客好從容地去面對，佢冇嬲，坐佢後面嘅屋企人都冇嬲，剩係笑。
呢個反應真係令我搲爆頭！！！
原來嗰位客人 15 分鐘前，都唔小心倒瀉咗……
根據非正式統計，B倒瀉咗A杯嘢飲，而C又倒瀉番B嘅嘢飲，咁C可能會……
報應呢樣嘢，若然未報，只係時辰未到！
