去旅行當然係未出發先興奮啦，尤其同另一半去更加開心期待！記得嗰陣都算 廿四孝（自己講），好多嘢都一早計劃好、預訂好，做足準備！外幣、機票、酒店、Wi-Fi蛋、衫褲鞋襪等等，everything under control ！！！！
做足功課 事先訂好一切萬無一失
「今次有冇租到Wi-Fi蛋呀 ?」
經過上次一役，今次真係做足功課。「哈哈，當然有啦！」
「算你啦haha，咁聽日見啦～～」
「晚安啦：）」
翌日去到機場我哋已經好興奮，明明仲未起飛，但唔知點解踏入機場就已經好似一齊去緊旅行咁！
順利到達去酒店 方知做錯事了！
「你食唔食啲嘢呀？」
「唔使啦～日本好近咋嘛，留肚去到再食ha。」
「今次你又有道理喎～」
經過兩小時多啲嘅機程，我哋已經極速去到日本，加上的士司機1個轉身飄移，坑渠過彎，好快咁就到咗目的地。
雙人床變單人床 害怕「包大人」出場
當我喺酒店check-in 嘅時候，發覺好似出咗事，直至上樓打開酒店房門，今次XX鳥…..我望住兩張單人床，千算萬算，原來我真係搞錯咗……
出事鳥…… 今次又要被人黑面，而我亦轉身偷偷望下女朋友個樣，我真係望唔透……
女友唔嬲兼微笑 其實……
奇怪嘅係包大人竟然冇出現！！
「呃……我好似訂酒店嗰陣，唔小心揀錯咗雙人床。」
講完呢句，我竟然見到佢微笑！！冇錯！！！佢笑呀！！黐線㗎！！！違反物理定律呀！！ (好似唔關事)
「你……唔會嬲我㗎可……」
「吓！我無啦啦做咩要嬲你？」
見佢仲笑住同我講，咁先令我更加驚。「我……冇訂到雙人床，變咗兩張單人……」
「好彩你冇訂雙人床！我唔想同你瞓哈哈。」
……………………
無言的親……親…..
旅行活動多又攰 單人床更舒適
「講真㗎……我瞓覺唔鍾意隔籬有人郁來郁去……」
「OK……Fine……」
「咪咁啦……最多……我批准你夜晚過嚟陪我傾偈~」
「咩今晚！我依家就過嚟！」
我成個盧根咁飛過去 ！殺佢一個措手不及！
「變態佬呀！」
#狼人萬歲 wowowo (錯重點！)
PS： 每個人瞓覺都有佢獨特嘅習慣……
例如唔想被人騷擾……男朋友都唔例外。
熱豆腐仔
Ig： hottofuzai
fb： 熱豆腐仔
