昨日 blogger 港女講旅行發表有關「澳門旅遊遇上黑的」的經驗，在 facebook 上引起極大回響。留言中既有想為澳門的士司機平反的意見，亦有其他網民爆料澳門黑的多宗罪，以及遇上澳門黑的的真實經歷分享，馬上睇睇以下的網民留言合輯！
1）回應 blogger經歷：被劏應報警，大橋中間停車要罰錢！
- 涼茶傑：打死都唔好落車！報警最好！
- Donald Tong： 你叫佢停吖嘛！橫掂大橋停車罰千五，又有cam，怕甚麼！
- Kin Chan：雖然澳門的士個朵都唔係好嗰種！但係話要喺大橋停車，係要罰錢！你當個C機傻的嗎？為$50罰$1,200？
Blogger 港女講旅行亦有補充： 當日司機開到碼頭後，我正想問對方拿取收據回公司報銷，誰知他已經按下取消，印不出收據，只可以拍下車頭的跳錶價錢（此為加 $50 前價錢）。
2）偏愛內地客？的士拒載對象清單
- Stanley Pun： 澳門黑的特色 (98% 啦！唔係全部嘅) : 唔車大肚婆／唔車老人家／唔車本地人／有大有細奉旨唔車／半夜寧願喺賭場門口等客，都唔車有需要嘅人。
- Leung Albert：講普通話的，收多啲。
- Woo Black： 澳門好多的士佬見係大6（陸）客先會停。
3）澳門的士如何分類？搭好的士靠運氣
Gadu Fong：澳門的士大致分為三種：
1.自己車-通常服務最好，但數量最少。
2.承包車-服務正常，但都會貪小便宜，小心一點就可以。
3.公司車-由大量放數人士構成，人數亦為三類中最多。
所以在澳門能否搭到好的士，就要看彩數。
4）加價無極限 臨盆生B照劏？
- Mandy Chee： 我戈（嗰）時生得要去醫院，個的士佬加收$100。
- Stanley Pun：落雨加 $100／打風加 $100~$500 (澳門/氹仔/路環)。
- Iris Yim：多收$50好正常。記得以前喺澳門做嘢，一打風坐的由關閘去氹仔開價 $800。
- Billy Sung： 夜晚11點半後關閘嗰邊落 bid 咁底價 $500，隊尾會有人大嗌 $1,000，的士佬免為其難咁叫佢上車……
5）濫收費以外，仲有咩惡習？
- Stanley Pun：一程車夠膽死接幾個唔識嘅客，但車費係個個都要畀／車程長路線唔啱佢哋心水又問侯（候）你。
- Karen Cheang：係5毫當5蚊咁找！即係找15蚊佢就找10.5畀你。
- John Chow：十六浦索菲酒店上車，同後生仔司機說去 MGM 附近，近中山公園嘅藝術博物館，其實向南直行10分鐘就到，佢一直向北，仲過咗培正中學停車喺路中心，話唔知我哋想去邊度。大佬，五分鐘車程都唔講，終於……
6）為澳門的士司機平反
- Long Lee： 全部都係咩？我又未試過，咪一竹篙打晒一船人啦：
- Ka Chon： 住咗2X年澳門都未聽過！
7）直接去警局？對付臨時加價司機有妙法！
- Chao Cheang：我會落車照畀番個錶價，跟住好L型咁走咗。
- Ching Hing Hong：睇下你住喺邊區，近邊間差管（館），一上車直接講乜區，返工呀，但係唔該你小心揸車。
- Donald Tong： 我以前住高士德，最鍾意叫的士車我去雅廉訪打令（浴室），包上到車同有好服務。
- Elisa Lei：去到目的地，扮唔夠錢，叫朋友嚟畀，其實call 999。