【沙田好去處】極浪漫！香港的5000朵玻璃花海！

呢度有超過4800朵玻璃鬱金香，全部都係由人手製作，每朵都係獨一無二！

除咗鬱金香花海，仲有玻璃花打造成嘅叢林，由正面影埋去，呢條道真係好靚！

下一頁：影玻璃花海最佳時機

雖然入夜之後真係好靚，但係始終光線不足，人樣會比較唔出，如果又想影到燈光效果，又想影得清個靚樣，建議大家黃昏去，把握差唔多天黑嘅嗰10-20分鐘，就可以影到天黑效果，又影到靚樣喇～

喺噴水池上方，仲有由超過100粒玻璃球拼砌而成嘅吊飾，佢哋砌出嚟嘅形狀仲會隨住音樂變化添。

下一頁：拜師學藝 吹玻璃工作坊

延伸閱讀

【陪你過聖誕】走勻香港 9大聖誕燈飾佈置好去處

【大阪最強】日本票選大阪最具人氣9大燈飾

【東京過聖誕】東京8大聖誕燈飾景點精選！

除咗睇玻璃花海之外，喺商場消費滿指定金額，就可以參加玻璃工作坊，體驗製作玻璃嘅滋味。由於燒玻璃都係一樣難度比較高嘅玩意，所以師傅會手把手教學～

首先要燒熱吹管，然後拈上玻璃液。

再加入自己鍾意嘅顏色，就可以放入熔爐燒熱玻璃，令玻璃變成玻狀。

最緊要亦最難嘅一部分，就係吹！睇師傅示範嘅時候，好似好輕鬆咁，點知到自己吹嘅時候，即使用盡全身力氣去吹，都只係吹到一個「發育不良」嘅玻璃球。

由師傅完成最後一步，為玻璃球加上一個掛勾，咁就完成一個獨一無二嘅掛飾喇！

不過要留意，由於玻璃冷卻需時，所以要等12個鐘之後先有得拎，要第二日再嚟拎～

如果唔想一嚟就挑戰咁難嘅吹玻璃，可以試吓另一個入門級嘅玻璃工作坊。呢個工作坊主要利用火槍燒熱玻璃，然後整成唔同形狀，再加工變成吊飾。

只要師傅幫手稍為加工，呢個心心就可以變成一條通透亮麗既頸鏈喇～

玻璃大道 Glassy Avenue at Starlight Garden

日期：2015年12月3日至2016年1月15日
時間：12pm-10pm
地址：沙田新城市廣場1期7樓星光花園（顯示地圖）
查詢電話：2684 9175

延伸閱讀

【陪你過聖誕】走勻香港 9大聖誕燈飾佈置好去處

【大阪最強】日本票選大阪最具人氣9大燈飾

【東京過聖誕】東京8大聖誕燈飾景點精選！