阿媽欲帶4個小朋友地獄行軍式遊沖繩
早前一名港媽於一個Facebook群組發文，分享自己所plan的「6大人 4小朋友」的超級日本沖繩旅遊5天自駕遊行程，並詢問網民對行程計劃的意見，不過網民們一見到她的行程表之後卻齊聲譁然！從她所上載行程表上可見，5日內要到達的景點多達34個，每個行程的到達及遊覽時間更準確程度達致每分鐘計算！
網民：你係咪無揸過車？
想當然爾如此不合理又走馬看花式匆忙行程就引來了大批網民的熱烈討論！不少人都指出淨講開車時間就已有大問題：
【平時無揸過車？】「你唔使泊車嘅，車位唔使搵嘅，喺停車場搵車都要時間啦！」
【一有突發事成個行程就係咁先】「行程第一日，攞車之後問點用GPS，再行錯路，第1日GG了！」
【行程4大問題超危險】「 以我多年去旅行經驗，佢呢轉旅行，最少岀現…… 1. 辛苦過返工 / 2. 一定有交嘈 / 3. 預留時間太少（搵返部車、搵路、突發事件等等）/ 4. 疲勞駕駛」
【做柴可夫司機嗰位真心陰公】「揸車嗰個仲大壓力過揸巴士……預計 4 分鐘嘅車程，你過唔到枝燈就High High啦！」
究竟你係沖繩定衝城？
另外，亦有網民指出行程當中停留時間極為不合邏輯：「水族館行1個鐘？佢唔知個館有幾大？暖暮你話食就有位？知唔知成日排隊？」、「建議返每人都用尿片，慳番啲去廁所時間！」、「係衝城…唔係沖繩」、「我相信佢啲小朋友，應該放學後係要學5、6種興趣班嗰啲家長嚟」。
除此之外，因為這趟旅行有4位小朋友同行，令不少網民都十分擔心小朋友在這個高強度的行程下，被弄得筋疲力盡：「真難為啲小朋友，晨咁早起身為遊車河！」、「乜咁樣叫享受咩？仲要帶住啲小朋友，咁玩法返工都無咁辛苦」、「難道今生不再踏足沖繩？還是要嚇怕孩子別再想去旅行，還是媽媽真的愛你呢？」
