上次去到沖繩石垣島，第一時間衝去便利店睇下有咩又平又正的零食！於旺區地標「石垣離島碼頭」已有不少手信賣，行5分鐘左右即可搵到FamilyMart或是Coco便利店， 雪糕、飯糰、杯麵都有沖繩限定版，吃貨恩物！
第1位 紫薯撻雪糕
紫薯撻 於沖繩地區無人不曉，化身雪糕真係好wonderful，Meiji出品，與元祖「御菓子御殿」合作！一打開是浪漫紫色，一嘢膠叉到底即見到杏色餅底，不過是餅底味雪糕，非如 紫薯撻 真身的曲奇底，哈。整個散發淡淡紫薯香，不會太甜，好正！
第2位 鹽雪糕
沖繩特產鹽，亦都做了雪糕，Meiji與當地名店「琉球銘菓」crossover，香草雪糕好滑，我仲食到有淡淡酒香，好特別！
第3位 沖繩杯麵
沖繩拉麵與一般拉麵不同，而不同小島亦有不同拉麵，有些比較扁身。呢款沖繩限定杯麵勉強過得去，加脫水紅薑，湯底有點像中華拉麵。
第4位 鹽飯糰
一定要吃便利店飯糰，這是窮遊精神！海鹽味飯糰不會好鹹，因沒有易壞肉餡，我買了2個翌日上船出海充飢，不錯的！
第5位 牛奶寒天柑桔布丁
FamilyMart出品，睇到個樣，我覺得自己好勇於嘗試，有點太甜，配上柑桔食唔慣。