「櫻花味」其實係咩味道？
Q1：其實「櫻花味」係幾時、點樣誕生？
A：水野先生指，櫻花味嘅原形，相信係嚟自「櫻餅」呢款和菓子。櫻餅於江戶時代誕生，當時長命寺嘅門衛・山本新六用放喺樽內嘅鹽漬櫻葉製作出櫻餅。呢個講法係目前最有說服力嘅。
Q2：咁「櫻花味」其實即係指咩味？
A：水野先生解釋，櫻花味其實係「櫻葉與櫻花的風味」。主要由鹽漬櫻葉時滲出的成分「香豆素」，產生出大家普遍稱為「櫻花味」嘅風味。而櫻餅嘅風味，亦是源自「香豆素」。
「香豆素」喺葉同花之中，係處於同其他物質結合起嘅狀態，並留於細胞之中，此時並冇任何風味或味道。透過用鹽醃漬花同葉，或將其弄碎，與細胞外嘅酵素作出反應，衍生出「香豆素」，並形成獨特風味。
唔同嘅食品公司或商品，都會有將櫻葉及櫻花製成果醬狀，又或抽取出萃取物等不同「櫻花味」製法，但基本上都係利用「香豆素」嘅風味製作而成。
Q3：「櫻花味」同「櫻桃味」係咪一樣？定係完全唔同？
A：水野先生話，「櫻花味」同「櫻桃味」係兩樣嘢嚟。「櫻花味」係同櫻花嘅「葉」同「花」相關嘅風味，而「櫻桃味」係櫻花「果實」嘅風味。另外，櫻桃並唔係源自日本國內一般作為鑑賞用嘅櫻花（染井吉野櫻等），而係其他品種（西洋實櫻等）嘅果實。
Q4：點解大多數日本人都覺得「櫻花味」好味？
A：水野先生指，可能與「本身就鍾意櫻花味（櫻花的葉與花）」有關，相信覺得「櫻花味」好味嘅原因，係因為被「櫻花」所持有嘅印象大大影響。
人喺感知味道嘅時候，唔係完全靠味道本身嚟分辨，由眼睛及耳朵等接收到嘅情報亦會有所影響。舉例說，如果係食拉麵，會覺得人龍店嘅似乎會更好食，而覺得即食食品好味，也會被工廠或公司牌子嘅印象左右。日本人對「櫻花」所抱持嘅良好印象，相信亦給予咗「櫻花味」好大嘅良性影響。
網民警告：千祈唔好隨便食！
不過「櫻花味」並非每個人能過接受，事關就有網民認為見「櫻花味」3隻字，就有咁遠走咁遠，千萬不要被夢幻的包裝而迷惑，指出味道與塑膠非常相似：「特別惡心的味道」、「千萬別買任何櫻花味的東西。因為櫻花沒有味道，所有櫻花味都是人想象出來、並調配的香精味。」、「櫻花沒有味道，市面上所有櫻花味都是化工香精廠家臆想的櫻花味。味道根據廠家不同而不同。」
