東張西望｜港人北上按摩場跣倒縫20針　只獲賠一半手術費：完全無保障

TVB節目《東張西望》中，一位叫阿恩的港女早前到深圳人氣按摩場按摩做SPA，先前已經有過2次光顧的經驗，一直相安無事，但第3次到訪時就發生了這宗意外。阿恩指當時她身處於洗手間：「我行入去一轉彎，砰一聲就跌倒，跟住想起身，但佢對鞋好跣，一起身砰一聲，呢邊膝頭都撞到地下。當時膝頭好瘀，好痛好痛，我大叫，個頭向前伸時，見到廁所馬桶嘅水一直爆晒出來，地下好多水。跟住我大叫『痴線，點解咁多水』，啲阿姐就衝埋嚟，扶我去服務台，打算幫我搽藥酒」，但因為太痛的關係，阿恩要求報警，並送院處理。

按摩場職員：你返咗香港，我哋一蚊都唔會賠畀你

阿恩馬上被送到去到附近的醫院，馬上要支付人民幣5千元作留院費。按摩場職員阻阿恩回港治療：「如果你返咗香港，我哋一蚊都唔會賠畀你，因你係喺內地跌倒，我哋保險只承保內地」、「該負嘅責任，我哋會負；不該負嘅，你一毫子都唔會攞到」，於是她被逼要留在內地醫院住院3日。

港女預先支付5萬元手術費並縫了20針

在阿恩入住的3日期間，被診斷為後十字韌帶撕裂，醫生建議做手術，但手術費最少人民幣5萬元，阿恩指：「基礎係5萬蚊，仲有之後好多治療費用。佢哋而家反口，拖住治療，甚至要我自己畀呢筆錢先可以做手術。」

最後阿恩自己先付人民幣5萬元進行手術，而手術後更縫了20針，前後一共留院十幾日才可以回港。阿恩亦十分擔心：「以後都唔知行路會唔會趷下趷下，咁後生就搞成咁，我仲有小朋友要照顧」。

按摩場最多只賠2.5萬：成人有自我保護責任

按摩場在阿恩住院多日期間完全沒有到場探望，按摩場已將個案已交由保險公司處理，保險公司指：「成年人具有完全行事能力，對自身安全應具有相應的注意義務，自己也應承擔責任，本次事故場所方責任比例不超過50%」，按摩場最多只賠償人民幣2.5萬，以及只提供家屬最長不超過七天的酒店標準房間，並要簽協議書，阿恩指：「份協議書完全不合理，寫我自己跑跟住跌親，簽咗份嘢後，以後亦唔可以追究」，阿恩拒絕簽署。

成人都有自我保護責任

《東張》致電按摩場人事部廖先生查詢可否將2.5萬的賠償金加至5萬，廖先生指：「這個不是我們判定，保險公司要接受這樣案例，不是一單兩單，肯定上百單，保險公司也是做了相關案例作參考。他們判定雙方都有責任，不是某一方的責任，如果未成年情況下，我們責任可能會大一點，成人都有自我保護責任、義務，自身責任是有的，這是必然的。不能一點責任都沒有」。

阿恩嬲爆：個責任唔係淨係保險公司

阿恩嬲爆指：「我係有責任，但唔係一半囉，我去你度消費，完全唔諗住個廁所地下會有水。 佢哋個商家完全唔使負責任，唔係所有嘢都推畀個保險公司」 ，於是阿恩決心要打官司。律師蘇民傑表示，要留意環境是否混亂：「如果我影低咗當日無小心地滑牌，現場環境好濕，令到自己跌倒，呢樣一定要清楚紀錄，甚至係影低。」如果當時情況混亂，可以報警或叫救護車，證實事件是當日發生。同時亦要保留收據，證明做了甚麼類型手術，對日後民事索償相當重要。