在東北地區舉行的夏祭之中，「青森睡魔祭」是當中最大型的夏祭，巨形睡魔燈籠隻隻都有貨車咁大，每年都吸引三百萬人聚集青森睇巡遊！全長一星期的夏祭祭典，今年繼續有20多隻睡魔巡遊，整個隊伍足有3公里長，由青森火車站出發，以弘前城為終點站兜一圈，每晚9時開始夏祭巡遊，最後一日則以大型花火晚會結束！

名為「佞武多」的睡魔燈籠重約4噸，起碼要20個狀男勇士先推得郁架燈籠車！

夏祭遊行路線有4個轉角位，亦係巡遊最佳觀賞位置，睡魔在轉彎時會傾倒向觀眾，邊吹笛邊大嗌「Lase~Lase~Lase~La」，氣氛極高漲！

最後一日的祭典，巡遊會改成下午1時舉行，夜晚7時左右變成海上巡遊，河上巡遊的睡魔配合約8,000發煙花，場面勁壯觀！

只要穿上浴衣、帶花笠、束上粉紅或紅色的袖帶、著早鞋，就可以加入成千人的「跳人」行列，走在睡魔前方跳住帶領巡遊！
服裝租借約¥4,000/HK$252，官網列明可租借的店舖資訊。www.nebuta.jp/sanka/rental.html

東北還有另外三大祭值得一睇，包括秋田竿燈祭、山形花笠祭及仙台七夕祭。

青森睡魔祭

地址：青森市中心部青之海公園
時間：7:10pm – 9:00pm
花火數目：8,000発
交通：從JR青森站徒步10分鐘便到達大馬路會場
官網：www.nebuta.jp