東京迪士尼海洋新園區6月開幕 勢搶香港生意
據日本傳媒報道，東京迪士尼海洋的新園區Fantasy Springs將於今年6月6日開幕，總面積為14萬平方，園區以《魔雪奇緣》、《魔髮奇緣》、《小飛俠彼得潘》三部作品為主題，設有4個全新遊樂設施，3間主題餐廳，其中以《魔雪奇緣》的主角艾莎（EIsa）、安娜（Anna）所住的城堡及以魔法造出的冰雪宮殿為藍本的設計最為吸睛，《小飛俠彼得潘》則是第一次成為主題園區，更有全新園區酒店「夢幻城堡」及「豪華城堡」，目前新園區及酒店已於2月8日起開始接受預訂。
香港的「魔雪奇緣世界」在去年11月20日開幕，號稱為全球迪士尼首個及最大型以「魔雪奇緣」為主題的園區，如今開幕不足一年，「全球唯一」的賣點即將被打破，香港迪士尼的吸引力勢必下降。
早前，就曾有遊客不明白，東京迪士尼的面積及設施比香港迪士尼多，但在門票價錢方面，香港卻比東京要貴得多。目前東京迪士尼及東京迪士尼海洋的門票價錢均為7,900円-10,900円（約港幣411-567元）；香港的門票價錢則為639至879港元。而東京迪士尼海洋新園區Fantasy Springs的一日Pass，包括了隨意進入園區、優先體驗、縮短輪候時間等服務，售價為22,900円至25,900円（約港幣1,196至1,353元）。有遊客直稱東京迪士尼及東京迪士尼海洋的體驗更佳，CP值更高，顯得香港迪士尼的吸引力不足。
有網民就指，香港迪士尼的情況不樂觀「地方已經大到屈曬機，香港真係無得鬥」、「東京迪士尼海洋個美人魚區本身已經搶唔少客，而家仲整埋Frozen區，真係玩哂」、「香港咁X大個海喺隔離，都唔起迪士尼海洋，淨係起個加勒比海盜+張保仔都呃到下人啦」。
網民三大原因力撐香港迪士尼
不過亦有網民力撐香港迪士尼，煙花更是特色之一：「香港佢雖然細，但係設施同設施距離細，遊戲設施一啲都唔少，其實玩落重舒服過啲大園區，講真你去玩一日，最後都係玩個啲數量嘅遊戲設施，地方太大只會行到仆街，好似海洋公園咁。香港勝在新，唔見得香港迪士尼會差，而且講最後煙花表演，香港個個重要好靚。」、「香港迪士尼啲員工起碼識英文，幫到遊客，日本搵個識英文嘅都難」、「日本妹好鍾意香港迪士尼，因為夠細、人少，排隊同公仔影相易好多，你試吓去日本迪士尼排隊同公仔影相，難過登天」、「日本嗰個煙花好流，要就兩個園區，仲要短，香港近排吸引日本妹都係靠frozen同投影燈+煙花表演」。
