雖說曼谷的 Central Embassy 開業差不多已經一年，但矚目的食店仍然不斷進駐，大家仲打算去潮聖未登陸香港的 Harrods Cafe 或者係新派泰菜 Issaya 開辦的首間 patisserie？實在太 out 了！以下這 3 大新食點，近期在曼谷紅爆，要覓食？搵佢地才是皇道！
第一間要介紹的是來自法國的百年麵包餅房 Paul，品牌在 1889 年已經創立，在全球 24 個國家都有分店，唔少人去到歐洲都特登要去潮聖，在亞洲新加坡和東京都設有分店，偏偏香港就未有，不過現在在曼谷開店，香港人平平地飛一轉過嚟就可以大飽口福喇！
講到 Paul 的西餅，最出名的一定係拿破崙蛋糕，現時店入面總共有 4 款拿破崙蛋糕，包括原味、朱古力味、士多啤梨味和芒果味，幾乎每日中午時份一出爐就被一掃而空，同檯的泰國朋友試過下午茶時間來捧場三次都試唔到，特別係士多啤梨味（Millefeuille fraises, 190 泰銖），入口吉士醬不太冷又不會“咇”出來，多層酥皮夠晒香脆，整體口感和味道非常配合，的確出色。當然，檸檬撻（Tartelette citron）和主打 grandmother home style 的紅莓蛋糕（Moelleux citron framboise）都很值得推介。
如果你彩數唔夠，試唔到 Paul 出品的西餅，那麼麵包都一樣是個好選擇，這裏每種麵包都有列明是法國那一地區的口味，很多款式如來自法北的裸麥葡萄麵包 Benoitons 就只此一家，難怪無時無刻你都會見到唔少曼谷上班族和煮婦排隊，買麵包回家品嘗。
食完西餅，再講下商場 4 樓另一間新開的甜品店，單看牌面，感覺有點像珠寶店，精美的盒子一個個整齊地排列在牆上，再加上粉紅 tone 的風格，實在吸印唔少女生注目。
其實，這是一間高級啫喱店，開業只有個多月，每日都會出產近 20 款不同口味的啫喱，在平凡的啫喱當中，當然不乏加入各種的配料，例如果肉、吉士、布甸，除了提升整體口味以外亦令賣相更有層次，配合入型入格的啫喱杯，貴氣十足。
除了啫喱以外，還有果醬、拖肥朱古力等甜點，包裝同樣精美，仲可以買番嚟當手信添！
最後一站其實是內有乾坤，大家都可能知道 Central Embassy 地庫有間名為 eathai 的超市連 food court，入面有齊由泰北至南的地道食物，不過大家就未必留意到，其實超市的其中一角有一個專買新鮮米的角落，這些米每天早上都是新鮮收割再直接送來超市，保證大家可以品嘗最忠於原味的米。
這一兩年，香港有不少人到泰國買金鳳米回港，貪其夠黏力和翻叮再食都唔硬，其實新鮮米整體口感更為豐盈，煲起後帶有微微的榖味，飯身表面微脆，咬落又滲出黏黏口感，這種味道實在很少吃到。
鳴謝：Expedia