日本車站極不便 網民：香港地鐵個設計真係一流
現時日圓持續走弱，在日本Shopping宛如有額外的折扣優惠，令不少人瘋狂購物大出血，有人一個行李到日本、兩個行李回香港，重量分分鐘過30公斤，滿載而歸！當地鐵路發展完善，乘坐地鐵出行必定是大家的首選，不過近日有網民就以「一人一個對日本車站最想吐槽的地方」作討論，沒想到大家都充滿怨氣，當中以「極少扶手電梯」為第一位，網友留言大吐苦水表示：「無窮無盡的樓梯級⋯⋯」、「上完呢條樓梯，另一邊又要落樓梯」、「轉車要上樓梯再落樓梯，嘥好多時間和力水，所以會覺得香港地鐵個設計真係一流、方便、無得輸！」、「要攞住27kg嘅篋，行上連續50級又細又窄樓級，攰死」，看來不少香港在日本的車站樓梯中留下不少辛酸的汗水。
其次，超級巨型車站配上難以數清的車站出口，以及內部設計，亦為香港人所詬病：「到大站成日會蕩失路」、「由東京站入口去到N’EX月台行老練咁遠，帶住行李趕車慘過喺KK園區做苦工」、「有好多車站轉線唔夠清晰。我大約記得新宿站去富士山站有個地方要轉車，但完全冇話係幾號線轉，最後用身體語言問路人」。此外，亦有網民認為日本車站內升降機非常袖珍，兩個旅客各推一、兩件行李已經滿載，因此為當地人造成不便，令日本人討厭旅客。
