最近突然有個構想，想同大家分享一下自己嘅在日經歷。但如果只係一般嘅經歷又過於平平無奇，所以我想喺度整理同總結後，分享日本同香港截然不同嘅一面同鮮為人知嘅所見所聞，和大家一起看看 日本文化 和香港有甚麼差異 。

01 | 如廁後不用洗手

無論喺職場工作、合租屋居住都好，大阪嘅男女老幼都好少會去完廁所洗手。

02 | 小心中人飛劍

出到街上，老中青嘅男性都有放飛劍（吐痰）嘅習慣。雖然社會上都認為放飛劍係唔好嘅行為，但係佢哋好似唔理呢樣明文規定。

03 | 要揞口打乞嗤

個人衛生方面，唔少人咳同打乞嗤都冇意識去揞住個口同鼻，只係會擰埋一邊打乞嗤。但我見所有從事服務業嘅員工，每當打乞嗤都有揞口嘅動作。

04 | 只在乎外觀

承上幾題，日本人係十分注重整潔整齊，但只係重視於外觀上。可能香港嘅地理關係，流行病特別容易染上，所以香港人會比較注重個人衛生。

05 | 為何街上沒有垃圾桶

日本之所以通街都冇垃圾桶係因為垃圾回收同處理係需要徵費，如果住喺公寓或者酒店嘅話，包租婆或管理人已經幫你向政府科咗水，所以租金裏面係包含咗扔垃圾嘅成本。（編按：另一個原因聽說是，因為日本多烏鴉，政府怕烏鴉會翻垃圾桶，所以不設置。）

06 | 請將垃圾分類

再講扔垃圾嘅問題，垃圾分類自八十年代起一直都係強制執行緊，簡單嚟講，每個星期需要喺唔同日子扔出唔同嘅垃圾，換句話講即係一個家庭至少會有三個垃圾桶同至少有兩袋垃圾放喺屋企準備喺指定日子回收。

延伸閱讀：嚇壞留日香港人 | 10個你未必知的 日本冷知識

 

07 | 沒有終身編號

喺My Number Card出現前，日本人係冇統一嘅身分證明文件證明自己嘅身分。主要以車牌、passport、保險證是但一樣嚟證明。所以佢哋係唔會有一組number跟佢一世。

 

08 | 誠意搵工

關於搵工投簡歷，到現時日本仲係流行手寫履歷書，即係需要喺100 yen店買一疊履歷書嘅表格，見工前填上，再貼相遞交即可。

延伸閱讀：遊日必知 9 件不能做的事

 

09 | 兩成人工交稅

喺香港要交強積金、交稅交差餉，但係日本每個月要畀所得稅、住民稅、國民保險同國民年金。所以每個月出糧至少有兩成人工畀咗政府。

延伸閱讀：過來人分享「我愛日本，但若要長住就……」

10 | 日本人有其屋

雖然收入被政府食咗一筆，但係日本樓嘅價錢同香港差天共地，唔好話上車盤，1,000萬yen都已經有唔少選擇。當然，你唔使旨意佢會升值啦！

facebook page： 日本住人港喱啲