日本人難忍遊客過份行為 網上發相片公開指罵
事緣該名日本人在Threads上發文，指乘搭新幹線時，有遊客把行李放在自己的位置前，令前方的乘客無法調低座位，即使前方的乘客叫他拿開一點行李，對方依然無動於衷。
KOL健吾轉發相關帖文：「這種公審旅客post將會慢慢增加」
健吾於自己的Facebook專頁中提到「這種『公審旅客』post 將會慢慢增加」。他指看到這帖文指有旅客把自己的大型行李放到自己的位置面前，令前方乘客不能調低椅背而被網絡公審。因此他提醒網民們「要用新幹線搬運大件行李，務必注意，正式來說，是需要買大型行李的『車票』的」。
網民：好多香港人覺得無問題
不少人對於此話題作出討論，有網民留言指「嘩，大佬，帶埋個腦去旅行得唔得…咁大件行李指定席都要慳，4.5都嚟緊…假如買咗指定席而後排行李位唔好彩爆晒，車上通常有職員幫手解決」、「最緊要係大件行李指定位係同普通位一樣價錢，佢只係需要提前預定⋯⋯都唔明點解啲人可以咁懶」、「香港人受咗內地人咁耐，竟然唔明日本人嬲咩…..睇threads見到好似好多香港人覺得無問題」、「呢個唔癲，上去坐阿蘇男孩，勁多香港人帶大喼，但車內係冇位安置大件行李箱嘅行李架，然後啲喼放晒成條走廊都行唔到人」。
亦有人留言質疑，指「有無機會其實張相係坐JR東日本嘅東北or秋田新幹線？因為東北新幹線係未有大型行李劃位呢樣嘢，如果個行李架滿咗，我見日本人自己都要咁推個行李去坐」、「我反而見過好多日本人都係咁擺喎」。
