迪士尼｜小小世界大塞船 網民：塞到好似屯公咁！
日前有網民於Facebook群組「我真係好鍾意迪士尼資訊分享群」上傳一條時長只有10秒的影片，引起大批迪士尼fans熱烈討論。從影片可見，事主身處小小世界漂流船上，但疑似因為機器故障，導致他所乘搭的船被其他船前後夾擊，起碼最少有7架船塞在場景內，7架船上的乘客皆面面相覷，看著「大塞船」奇景。而事主亦為影片加上抵死caption：
奶嘢，喺小小世界塞緊船，恰咗陣，醒返仲係無郁，完全係屯門公路嘅感覺，唔同嘅係有隻it’s a small world瘋狂洗腦中
由於事主並無指出是哪一個迪士尼樂園的小小世界，一開始有網民以為是在香港迪士尼內發生，不過有細心的網民根據影片內的裝飾指出影片是拍攝於東京迪士尼樂園內。
迪士尼｜網民抵死留言：東京迪士尼都感受到屯公風味！
一眾花生友網民看完影片後都爆笑出聲，因為事主將小小世界塞船事件與屯公塞車作類比實在過於搞笑，紛紛感同身受地表示：「喺東京迪士尼都感受到屯公風味唔易㗎」、「呢個地方真係好催眠」、「建議po 埋去屯門公路page」、「無啦，全部人嘅靈魂會懾喺啲公仔到」、「祝福你早日落到船，同埋冇洗腦後遺症」、「今晚喺床合埋眼都覺得自己仲喺小小世界輪迴緊」。
同時有人亦指出小小世界的《世界真細小》並不是最可怕的洗腦歌：「如果《世界真細小》係世界第二恐怖經典歌，咁第一一定係綠袖子！」、「你回想下宣佈準備封城嗰日推住成車貨，喺惠康排隊畀錢被逼聽 YUU ，就會覺得自己好幸福」。
迪士尼｜佛羅里達迪士尼小小世界故障 遊客被逼聽足一個鐘《世界真細小》
另外亦有人回想起幾個月前在美國佛羅里達迪士尼樂園也發生過同類型事件。事緣當日一位迪士尼「發燒友」到佛羅里達迪士尼乘坐「小小世界」的漂流船遇到故障，乘客被迫困於設施中。不過由於音樂運作正常，如常播放，受困乘客在「小小世界」便聽了足足一小時的《世界真細小》，直言簡直是折磨式洗腦。有乘客更在網上表示這個經歷十分痛苦：「我原本只玩2分鐘的遊戲，最終花了兩週時間才把它從我的大腦中取出」。
迪士尼｜網民揭香港曾發生同類事件：以後唔玩
網民看到報導後表示自己都不會再玩「小小世界」，並指有同樣經驗「超惡夢」。留言指「香港都試過，又係去到中間壞咗，全部船仔炒曬停曬，四周幾十對眼望住，勁詭異，不停播住音樂公仔左轉右轉，但無工作人員又唔敢自己落船，驚唔知點行，勁驚，以後都唔會再玩小小世界。」
