見近排娛樂圈喜事重重，連我都想……講下有關旅行結婚。不少身邊好友都已結婚做幸福人妻，有兩位仲好有心思地搞 旅行主題婚禮 ，好有心思，今次就出賣朋友一次咁多啦！

機票喜帖｜細微位傳神加分

睇娛樂版見到楊怡、羅仲謙的機票喜帖，想當年好友Maggie都已經用咗呢個idea，設計更細緻傳神，我收到都覺得相當驚喜！兩公婆都係喜歡去旅行的人，不時周遊列國，呢張機票勁啱佢哋style，而且detail位做到足，boarding pass有齊flight no.同boarding time，後面仲二次創作oneworld同Asia Miles logos，特別有親切感！

航空布置 ｜《衝上雲霄》好呃like

空姐好友L的婚禮布置同樣勁，佢老公都係空少，所以成個婚禮都以飛行做主題，勁有《衝上雲霄》feel！有自家設計的飛翼logo、飛機icon、制服紙板人等等，最最最靚的，係《瞬間看地球》背景，有齊悉尼巴黎倫敦羅馬著名景點，一秒時空穿越歐洲，全部都係兩人拍拖去過的地方，sweet爆全場，真係好想立即飛過去！

至於真係去外地行禮，我都參加過幾次，係咪去咩地方、新人全包？下回分解啦！