情人節去邊好？二人世界酒店推介

Q: 情人節禮物有什麼推薦？

情人節將至，與另一半慶祝節日時，不要忘記重要的情人節禮物，精選出一系列男女朋友必愛又實用的禮物，求生必睇： 女朋友篇 、 男朋友篇 。

Q: 情人節朱古力有什麼推介？

各大朱古力牌子禮盒及自製朱古力也是一個好選擇，大可一覽 情人節朱古力推介 。

一年一度嘅情人節又到，想浪漫食飯慶祝，啲西餐廳情人節套餐又貴又難book。想返屋企煮飯仔？成屋人坐晒喺度，都唔好意思自私食。想去海旁行下？周街都係人，想二人世界靜靜哋過都幾難！想氹另一半、想二人世界、想浪浪漫漫咁過？有咩好得過住返晚酒店，兩個人想點就點先？今期為大家介紹下平靚正衝出香港之選 — 曼谷、華欣、布吉及峇里酒店/villa 啦！

推介01 |曼谷COMO大都會酒店($860 起/每晚)

去曼谷機票又平又多選擇，要臨時計劃番個3日2夜都真係好方便！呢間5星酒店雖然喺旺區，但離地鐵都有一段距離，所以唔會太嘈，算係旺中帶靜。酒店設計風格精緻，房間特大，有成 54平方米！住2晚仲送 COMO Shambhala Spa 免費按摩，酒店入面泰國餐廳Nahm仲曾列入亞洲50大餐廳嘅第一名。只可以講呢個價錢，喺香港真係享受唔到呢個質素嘅享受！
立即按此預訂

推介02 |曼谷 Maduzi Hotel ($711 起/每晚)

雖然曼谷就冇得浸溫泉，不過玩jacuzzi又如何先？呢間酒店出名個廁所靚 — 有獨立衣櫥室、貪靚女仔至愛嘅超大化妝檯，同埋房內jacuzzi！平時房內有jacuzzi嘅酒店都唔會平，但呢間都只係$700幾咋！
立即按此預訂

推介03 |華欣 Amari Hua Hin($561 起/每晚)

華欣多resort 就人人知，但呢間Amari 攞齊10大浪漫酒店、spa酒店、沙灘酒店等排名！而酒店泳池極大，即使唔游水都可以坐喺池邊飲杯酒，曬太陽！住3晚可以免費升級房間！
立即按此預訂

推介04 |披披島 Phi Phi Island Village Beach Resort ($2,127 起/每晚)

披披島位於布吉與喀比之間，住2晚或以上superior bungalow就有免費布吉來回豪華車船接送，交通唔成問題。雖然價錢貴啲，但一分錢一分貨，佢嘅私隱度高，有私人沙灘及infinity pool，至啱鍾意靜靜哋嘅情侶，日頭游下水，夜晚睇下星，輕輕鬆鬆又一個情人節。
立即按此預訂

推介05 |布吉 Mai House Patong Hill ($475 起/每晚)

呢間係16年12月先新開嘅酒店，吸引點係佢嘅限時住1晚、送1晚優惠！以最低房價 $475計，住兩晚即係每晚$238，而且最平房型deluxe已經有露台，平過住hostel。加多百幾蚊住grand deluxe jacuzzi，房有50平方米加露天私人jacuzzi，啱晒同另一半sweet sweet 啦！
立即按此預訂

推介06 |布吉 COMO Point Yamu ($2,061 起/每晚)

呢間絕對屬於畀你「留喺酒店唔使出番嚟」嘅酒店類型！以海藍、天藍及白色組成嘅房間設計加上無敵景觀，令人想全日留喺房！按摩及spa 等服務唔在講，仲有每日唔同嘅活動可以參加，例如瑜伽班、插花班、煮食班、kick-boxing班等等。仲可以參加bike tour 去睇附近景點，完全唔使煩做咩好，剩係帶個人去就得啦！住夠3晚仲送你1晚曼谷COMO 1晚住宿連早餐，順便去曼谷轉個圈都好。
立即按此預訂