Hong Kong is Not China! 當香港班高官愈來愈分唔清咩叫「一國兩制」時，竟然由美式連鎖快餐店話畀大家知：過咗羅湖，的確係有啲嘢係好唔一樣－－講梗嘅係麥當勞嘅《花生漫畫大電影》宣傳攻勢，香港特別版 Happy Meal 將於本周五（12月11日）換領（按此看詳情），但原來喺大陸麥記，特別版史諾比早在11月尾已經登場，而且跟香港的好唔同，「一地兩狗」絕對不容許，真心Fans想換就要北上咯：
點解玩黑白？
今次係麥當勞繼暑期Minions大熱之後，再一次利用當紅動漫電影上映期間推出的卡通玩具。大陸麥當勞獨家使用史諾比黑白分明的漫畫形像做產品推廣，從產品、包裝、玩具，到餐廳佈置，瞬間實現全面「史諾比化」。今次活動由上海李奧貝納廣告公司創意總監Chris Annen 擔大旗，揚言「現實生活中太多事情不能做到非黑即白⋯⋯但如可以採取Snoopy 的生活態度，喜歡就表白、不愛就拉黑，將這態度放大到生活中xyz乜乜乜」講到好偉大，都係睇返產品設計細心位⋯⋯
點換？
- 11月28日起，在餐廳任意消費+20元得史諾比玩具1個（不含限量款）；
- 加95元得1套（含禮盒+限量款）； 非早餐時段，買麥趣雞盒+20元得愛心限量款1個；
- 12月2日起，麥樂送開始銷售； 12月9日，開心樂園餐將陸續推出剩餘 8 款史努比玩具
- 上述玩具推廣日期自2015年11月28日至2015年12月29日，僅在中國大陸地區部分麥當勞餐廳適用
- 具體活動信息及玩具款式以餐廳公示為準。
- 限量版愛心史努比全國限量13萬個，具體售賣方式見餐廳內海報
除咗換玩具，「手撕雞黑包」vs「手撕豬白漢堡」，雖然都係同《花生漫畫》關係唔大，不過成個「黑白」推廣又幾統一，至於食唔食落肚，就悉隨尊便喇！
