康泰旅行內地母公司宣布康泰清盤
10月26日，康泰旅行社傳出倒閉消息並全線門市停業，當時康泰旅行社公開否認倒閉並稱「暫時只有用最小化成本營運，保留實力，直至全面通關為止」。但2日後的10月28日，康泰旅行社內地母公司凱撒同盛發展股份有限公司（中國）發公告表示由於康泰資不抵債，資產淨值負7,370萬，故通過啟動自動清盤程序，同時董事會授權經營層處理康泰旅行社破產的清算相關事宜。
網民回憶康泰旅行歌集 一人一首旅行必唱歌曲
隨著康泰旅行社清盤消息公開後，不少港人都感到十分惋惜，其中更有網民於Facebook群組「90年代回憶 (新版)」發文，回憶起由康泰旅行社出版、印有鄭裕玲Do姐頭像的陳年「旅行歌集」，意外引起了不少港人的共鳴。有人為不太了解的年輕網民解釋到，旅行歌集是康泰贈送予客人，可以在旅途中大展歌喉。網民亦討論起一人一首旅行必唱歌曲：
【70-80年代勁興】「以前好興有呢啲唱歌書仔，最記得打開第一頁就係王傑同林憶蓮嘅《還有》」
【細個就做歌女】「陪阿婆去一日遊，細個成日被推出去唱，成日都唱只有《情永在》，細細個就做歌女」
【小朋友首本名曲《IQ博士》】「小朋友好多時比大人迫出去唱 《IQ 博士》」
【老人團必唱《禪院鐘聲》】「細個跟呀婆去老人團一日遊，次次佢哋都唱《禪院鐘聲》」
【唱歌合照超尷尬】「諗起以前跟旅行團就好尷尬又要唱歌又要影大合照」
【時代變了】「依家唔好阻住大家瞓覺」
【歌單大變樣】「依家梗係要唱《任我行》、《一個旅人》、《再見二丁目》、《Her Story》、《不如不見》、《載我走》」
【去日本必唱周國賢】「去日本一定loop腎仔（周國賢）嘅歌！《地下街》、《赤城千葉》、《目黑》」
網民：唔通係鄭裕玲效應？
同時亦有網民翻看Do姐於80-90年代為康泰旅行社拍攝的一系列廣告，更親身到星、馬、泰、菲等地拍攝廣告，同時亦提到康泰在1987-2015年連續28年贊助Do姐東家TVB舉辦的港姐到世界各地拍攝外景。不過因為Do姐近日與TVB合約到期宣布離巢，及後康泰旅行社就宣布清盤，有網民就搞笑表示：「唔通係鄭裕玲效應？」
1986年康泰旅行社廣告