text：Travel佳  photo：Yee

(Presented by SOGO)

世界上最遙遠嘅距離係我嚟到你附近而你又唔知道，成日周圍飛嘅我都會遇到冇時間捐窿捐罅去買鞋嘅煩惱！

原來8月嘅時候，銅鑼灣SOGO已經將6/F改造成 Shoes Town ，一層包攬咗多達100個來自唔同地方嘅品牌，等我Travel佳帶大家走匀世界各地買盡靚鞋！以下介紹嘅呢幾個品牌都係第一次進入香港市場，值得留意！

第一站去意大利！

Aldo Bruè秉承「視製鞋為藝術」嘅傳統理念，設計以舒適、優雅為主，去過意大利嘅朋友應該都會明白佢哋嗰種藝術家執著！呢對絲絨面手製皮鞋就啱晒一眾對生活品味有要求嘅男性，利用奢華感帶出男性魅力。而且勝在鞋身夠軟，行幾耐都冇問題啊！

Premiata主打運動時尚風，有別於一般嘅運動品牌，喺用料上面比較別出心裁，例如呢兩款女裝運動鞋咁，幻彩造型超吸睛！另外，仲用咗羊皮製鞋墊可以減輕雙腳嘅負擔。難怪會喺日、韓咁受明星歡迎！


 

同樣嚟自意大利嘅Ruco Line一樣以運動風打入年輕人市場，但兩者style超唔同！用色偏向明亮同埋大膽，將街頭風同運動風完美結合。另一大特色係具品牌DNA嘅內增高船踭，女仔著咗，身形比例一定即刻變好！

然後去番轉法國！

Arche就主打追求簡約自然，具有個人風格嘅女性市場。採用優質麖皮同歐洲傳統工藝生產，由於後跟位唔算太高，相信女性用家著住嚟行街都唔會呻辛苦。而且呢款鞋可以隨意改變高/低筒，變換早晚造型話都冇咁易！

順路再落埋英國！

英國新晉品牌ohw？，主要以休閒鞋同運動鞋為主！面皮大致分2種(透氣/麖皮)，弧形鞋楦可以更緊貼腳形，冇咁易行到攰，而鞋底嘅設計仲可以幫助跣水添，真係啱晒英國呢啲成日落雨嘅天氣，下次再踏足英國都要帶埋佢向ohw？致敬！

各位travelers，最後一站——美國！

講到簡約設計，又點少得來自紐約嘅Kenneth Cole，連新生代超模Kendal Jenner都勁like！我就最鍾意牛皮製拼色嘅男裝軍靴，型得嚟，原來細節大有玄機……鞋底以專利TempaSure™ 嶄新技術特製而成，多孔舒適軟墊保持雙鞋清涼乾爽，彈性質料既可增加耐用性，又可以減少後足踝壓力，旅行入喼首選！

後記

Shoes Town 畀人嘅感覺真係好舒適，品牌選擇夠晒多，但又唔會有壓迫感，啱晒一班「鞋控」慢慢搵自己嘅心水！好期待遲下繼續幫大家發掘多啲性價比高嘅品牌！