中3學校旅行抽籤決定地方 5班有3班被迫去墳場
學校旅行變惡夢！近日有中三學生在社交平台上表示，一星期前突然聽說學校旅行要去墳場，令大部分學生都感到非常震驚和害怕。而最令大家坐立不安的是，此趟旅行非全級「同上同落」，而是在 5 班中3 學生中，抽籤決定其中 3 班要去赤柱墳場，其餘兩班則去中環及灣仔，令人感到非常不公平。
該名學生指「墳場絕對唔係正常學校旅行會去嘅地方」，而且只有3班同學去非常不合理。不過學校就解釋指此舉「公平，公正，公開」，學生無法拒絕。
老師稱參觀墳場意義重大：行得正企得正，驚咩？
一眾學生對於學校的安排感到非常不滿，而老師的說法同樣令人感到奇怪。老師指前往墳場旅行是因為有機構資助，「參觀墳場其實好有意義，少少事唔使睇到咁大」、「光明磊落，行得正企得正就唔使驚」，更指責一班同學「夠膽喺網上寫野，唔夠膽寫自己真名 ，懦夫！」最後，在一班同學的反對下，終可改去義莊，但依然令一班學生對此安排感到無言。
網民：旅行的意義學校係咪唔知係啲咩？
對於該學生的遭遇，有不少網民都表示同情，指理解他們不想去的原因，「如果學校旅行係去墳場嘅話，咁咩叫旅行？旅行嘅意義係畀人放鬆心情，享受生活，而唔係勉強人去唔想去嘅地方」、「以為係生命之旅戶外學習日？」、「學校應該係安排一日體驗日去，唔好用學校旅行名義去」，更直指是學校想慳錢所致，「擺明學校想慳一筆，原先旅行日要學校自己book車/自己安排……而家有人贊助和導賞團」。有網民的回應同樣爆笑，指可以「睇定自己未來訓邊」、「即係你生日我送一堆補充練習比你」。
不過，也有網民補充資料，指該處應為「赤柱國殤紀念墳場」，葬在入面的大多數是在香港保衛戰陣亡的軍人，的確很有參觀意義，「順便仲可以學歷史」、「有好多人專程去打卡影相，都靚㗎」，反指學生無知。
